وراٹ کی کپتانی کپل کی طرح، روہت کی گواسکر کی طرح: شاستری

بنگلورو، دسمبر۔ہندوستان کے سابق ہیڈ کوچ روی شاستری نے بتایا ہے کہ وارٹ کوہلی کی کپتانی نے انہیں کپل دیو کے دور کی یاد دلا دی ہے، جب کہ روہت شرما کی کپتانی کا انداز سنیل گواسکر سے بہت ملتا جلتا ہے۔سابق ہیڈ کوچ نے پیر کو اسٹار اسپورٹس کے ساتھ بات چیت کے دوران کہاکہ“جب آپ دونوں کو دیکھیں گے اور ان کی کپتانی کا موازنہ کریں گے تو آپ کو سنی اور کپل یاد ہوں گے۔ وراٹ کپل کی طرح پرسکون ، فطری اور بہت ہی پرسکون انداز کے ہیں جب کہ روہت گواسکر کی طرح کلکولیٹیڈ، انتہائی ہنر مند، بہت پرسکون اور تخلیقی ہیں۔واضح رہے کہ حال ہی میں روہت کو وائٹ بال کرکٹ میں ہندوستان کے کل وقتی کپتان کے طور پر تبدیل کرنے کے بعد ایک بحث چھڑ گئی ہے، جس میں کرکٹ کے عظیم کھلاڑی بھی منقسم ہیں۔ حال ہی میں ختم ہونے والے آئی سی سی ٹی۔20 ورلڈ کپ 2021 کے بعد وراٹ کے ٹی ۔20 کپتانی سے استعفیٰ دینے کے بعد سلیکٹرز نے روہت شرما کی جگہ ٹی۔ 20 اور ون ڈے میں وائٹ بال فارمیٹ کے لیے ایک ہی کپتان رکھنے کے خیال کے ساتھ کپتان مقرر کیا۔