سندھو اور لکشیا سین انڈونیشیا ماسٹرز کے دوسرے راؤنڈ میں پہنچ گئیں

بالی، نومبر۔ہندوستان کی دو اولمپک میڈلسٹ پی وی سندھو اور لکشیا سین منگل کو یہاں انڈونیشیا ماسٹرز بیڈمنٹن 2021 ٹورنامنٹ میں اپنے اپنے میچوں میں فتوحات درج کرنے کے بعد دوسرے راؤنڈ میں پہنچ گئے۔ سندھو نے آخری بار فرنچ اوپن کے سیمی فائنل میں تھائی لینڈ کی سوپانیڈا کیتھونگ کو خواتین کے سنگلز کے 43 منٹ کے مقابلے میں 21-15,21-19 سے شکست دی۔ ہندوستانی شٹلر نے عالمی نمبر 33 سوپانیڈا کے خلاف اچھی شروعات کی اور 11-5 کی برتری حاصل کی۔ تھائی شٹلر نے بھی زبردست فائٹ دی اور سکور کو 16-13 تک پہنچا دیا۔ تاہم، سندھو نے اپنے تجربے کا استعمال کرتے ہوئے پہلا راؤنڈ 21-15 سے جیت لیا۔ سندھو کو دوسرے راؤنڈ میں سخت چیلنج کا سامنا کرنا پڑا کیونکہ سوپانیدا نے شاندار مظاہرہ کیا۔ لیکن، سندھو نے بھی 21-19 کی برتری حاصل کرکے یہ راؤنڈ جیت لیا۔ دفاعی عالمی چمپئن سندھو کا مقابلہ اب 16ویں راؤنڈ میں عالمی نمبر 47 اسپین کی کلارا اجورمینڈی سے ہوگا۔ اجورمیندی نے اپنے پہلے راؤنڈ کے میچ میں انڈونیشیا کی فتریانی کو 21-18,21-14 سے شکست دی۔ دوسری جانب مینز سنگلز میں لکشیا سین نے عالمی نمبر 10 جاپان کے کانتا سونیاما کو سخت مقابلے میں شکست دی۔ نوجوان نے ایک گھنٹہ آٹھ منٹ تک جاری رہنے والے میچ میں کانتا پر 21–17,18-21,21-17 سے جیت درج کی۔ لکشیا کا مقابلہ اب اعلیٰ ترجیح اور دو بار کے عالمی چیمپئن جاپان کے کینٹو موموٹا سے ہوگا۔