رونالڈو کی ’درعیہ نائٹس‘ کے دوران ریاض کے لبنانی ہوٹل میں آمد

الریاض،جنوری۔سٹار فٹبالر کرسٹینو رونالڈو سعودی عرب کے دارالحکومت ریاض منتقل ہونے کے بعد ایک لبنانی ہوٹل میں دیکھے گئے ہیں۔حال ہی میں سعودی عرب کے النصر کلب سے معاہدہ کرنے والے کرسٹینو رونالڈو ریاض سیزن کے تحت یکم جنوری کو شروع ہونے والی ’درعیہ نائٹس‘ میں شرکت کے لیے آئے ہوئے تھے۔اس موقعے پر ان کا استقبال سعودی عرب کے وزیرِ کھیل شہزادہ عبد العزیز بن ترکی نے کیا۔واضح رہے کہ ’درعیہ نائٹس‘ ایونٹ یکم سے 23 فروری تک جاری رہے گا۔‘سوشل میڈیا پر ایک ویڈیو وائرل ہے جس میں دیکھا جا سکتا ہے کہ وزیرِ کھیل ان کا استقبال کر رہے ہیں۔ایک اور ویڈیو میں سٹار فٹبالر کو درعیہ سیزن کے مشہور لبنانی ہوٹل میں کھانے کی میز پر سعودی وزیرِ کھیل کے ساتھ بیٹھے ہوئے دیکھا جا سکتا ہے۔خیال رہے کہ لیجنڈری فٹ بالر کرسٹیانو رونالڈو کو منگل کی شام مرسول پارک سٹیڈیم کے النصر کلب میں سرکاری استقبالیہ دیا گیا تھا۔