میک لافلن نے کیریئر میں چوتھی بار 400 میٹر ہرڈل کا ریکارڈ توڑ ا
یوزن (امریکہ)، جولائی ۔امریکہ کی سڈنی میک لافلن نے اپنے کریئر میں چوتھی بار 400 میٹر ہرڈل کا عالمی ریکارڈ توڑ دیا۔ سڈنی نے جمعہ (ہندوستان میں ہفتہ کی صبح ) عالمی ایتھلیٹکس چیمپئن شپ میں اپنا پہلا عالمی خطاب جیتا۔ انہوں نے 50.68 سیکنڈ کے وقت کے ساتھ اپنا سابقہ ریکارڈ توڑ ا۔ اولمپک کانسی کا تمغہ جیتنے والی نیدرلینڈ کی فیمکے بول نے 52.27 سیکنڈ کے وقت کے ساتھ چاندی کا تمغہ حاصل کیا، جبکہ سابق عالمی ریکارڈ یافتہ امریکی کی سابق کھلاڑی ڈی محمد 53.13 کے وقت کے ساتھ تیسرے نمبر پر رہیں۔ 22 سالہ سڈنی نے ہیورڈ فیلڈ میں اپنا تیسرا عالمی ریکارڈ قائم کیا ہے۔ انہوں نے 2021 کے اولمپک ٹرائلز کے دوران اپنا پہلا عالمی ریکارڈ قائم کیا تھا، جب انہوں نے ڈی محمد کے 52.16 سیکنڈز کو پیچھے چھوڑتے ہوئے 51.90 سیکنڈ کا ریکارڈ قائم کیا تھا۔
