سری شنکر لونگ جمپ میں ساتویں نمبر پر رہے

یوجین (امریکہ)، جولائی ۔ہندوستان کے مرلی سری شنکر ہفتہ کو (ہندوستان میں اتوار کی صبح) عالمی ایتھلیٹکس چیمپئن شپ کے لونگ جمپ فائنل میں 7.96 میٹر کی بہترین کوشش کے ساتھ ساتویں نمبر پر رہے۔ یہ کوشش ان کے 8.36میٹر کے قومی ریکارڈ سے بہت کم تھی جو انہوں نے اس سال فیڈریشن کپ میں قائم کیا تھا۔ہیورڈ فیلڈ میں 11 دیگر کھلاڑیوں کے ساتھ مقابلہ کرتے ہوئے، 23 سالہ سری شنکر نے 7.96میٹر کی چھلانگ لگا کر شروعات کی، اپنی پہلی کوشش میں ٹاپ پوزیشن پر پہنچ گئے۔ بدقسمتی سے، ان کی دوسری اور تیسری کوششیں فاؤل تھیں جس کی وجہ سے وہ چھٹے نمبر پر آگئے۔سری شنکر، ٹاپ ایٹ میں تھے اور تمغے کے دعویدار تھے،آخری چار تیسری کوشش کے بعد باہر ہو گئے ، لیکن آخری دو کوششوں میں 7.89میٹر اور 7.83میٹر کی چھلانگ لگا کر مقابلہ ختم کر دیا۔چین کے جیانان وانگ نے اپنی آخری کوشش میں 8.36میٹر چھلانگ لگا کر طلائی تمغہ جیتا جبکہ اولمپک اور ورلڈ انڈور چیمپئن یونان کے ملٹیادیس تانتوگلو نے 8.32میٹر چھلانگ لگا کر چاندی کا تمغہ حاصل کیا۔سوئٹزرلینڈ کے سائمن ایہمر نے 8.16 میٹر کی چھلانگ لگا کر کانسے کا تمغہ جیتا۔ جمعہ کو، لونگ جمپ کے پہلے دن، سری شنکر ہی فائنل میں جگہ بنانے والے واحد ہندوستانی تھے۔ ان کے ہم وطن جیون ایلڈرین اور محمد انیس یحییٰ کوالیفائی کرنے میں ناکام رہے۔