لچلن ہینڈرسن کرکٹ آسٹریلیا کے چیئرمین منتخب

میلبورن، فروری۔ آسٹریلیا کی معروف ہیلتھ کیئر کمپنی ایپورتھ ہیلتھ کیئر کے گروپ چیف ایگزیکٹو اور آسٹریلیا کے سابق ڈومیسٹک کرکٹر لچلن ہینڈرسن کو متفقہ طور پر کرکٹ آسٹریلیا کا نیا چیئرمین منتخب کر لیا گیا ہے۔ وہ بورڈ کے عبوری چیئرمین رچرڈ فرائیڈنسٹین کی جگہ لیں گے۔ کرکٹ آسٹریلیا (سی اے) نے جمعرات کو ایک ریلیز میں کہا، “ڈاکٹر ہینڈرسن، جو فوری طور پر اپنا عہدہ سنبھالیں گے، نے اشارہ کیا ہے کہ ان کی پہلی ترجیح کرکٹ کے لیے ایک مضبوط اور پائیدار مالی مستقبل کو یقینی بنانا ہے، خاص طور پر لڑکیوں اور خواتین کی کرکٹ میں حصہ داری کو بڑھانا، ریاستی اور علاقائی صدور اور تمام اسٹیک ہولڈرز کے ساتھ بہتر مشاورت اور کھیل کے اعلیٰ معیار کو برقرار ہوگا۔ لچلن نے اپنی تقرری کے بارے میں کہا، میں رچرڈ، دیگر سی اے ڈائریکٹرز، اور ریاستی صدور اور بورڈز کا ان کی حمایت کے لیے شکریہ ادا کرنا چاہتا ہوں۔ صدر منتخب ہونا اور ہمارے قومی کھیل کی خدمت کرنا ایک اعزاز اور فخر کی بات ہے۔ میں آنے والے مواقع کے بارے میں واقعی پرجوش ہوں۔ سی اے بورڈ نسبتاً نیا ہے، نو میں سے سات ممبران بورڈ میں ساڑھے تین سال سے بھی کم عرصے سے ہیں اور ایک نئے آزاد ڈائریکٹر کی جلد تقرری سے بورڈ میں مزید نقطہ نظر اور نئے خیالات آئیں گے۔ کرکٹ سے میری محبت بچپن میں پرتھ میں پروان چڑھی اور یہ کھیل ہمیشہ میری زندگی کا ایک بڑا حصہ رہا ہے۔ کرکٹ آسٹریلیا کے بورڈ کا ممبر بننا اور اب کرکٹ آسٹریلیا کے منتخب چینئرمین کے طور پر میری شرکت، حقیقت میں میں کافی خوش قسمت رہا ہوں۔ واضح رہے کہ ہینڈرسن پچھلے پانچ ماہ میں اس عہدے پر فائز ہونے والے تیسرے شخص ہیں۔ یہ عہدہ گزشتہ سال اکتوبر میں ارل ایڈنگز کے استعفیٰ کے بعد سے خالی تھا۔