2026فیفا ورلڈکپ: تین ملک امریکا، کینیڈا، میکسیکو میزبانی کرینگے

دوحہ،دسمبر۔ 23واں فیفا ورلڈ کپ 2026میں پہلی بار تین ملکوں کی مشترکہ میزبانی میں ہوگا، امریکا میں کوارٹر فائنل سمیت 60 میچز کھیلے جائیں گے، جبکہ کینیڈا اور میکسیکو صرف دس میچوں کے میزبان ہوں گے، مجموعی طور پر مقابلے 16 شہروں میں کھیلے جائیں گے۔ یہ ٹورنامنٹ 32 سے بڑھا کر 48ٹیموں کو شامل کرنے والا پہلا ٹورنامنٹ ہوگا۔ یہ 2002کے بعد پہلا ورلڈ کپ ہوگا جس کی میزبانی ایک سے زیادہ ممالک کر رہے ہیں۔ 1970 اور 1986کے ٹورنامنٹس کی ماضی کی میزبانی کے ساتھ، میکسیکو پہلا ملک بن جائے گا جو تین بار مردوں کے ورلڈ کپ کی میزبانی یا شریک میزبانی کرے گا۔