کیشومہاراج جنوبی افریقہ کی ٹی ٹوئنٹی ٹیم میں شامل ،

جوہانسبرگ ,ستمبر,ٹی 20 کرکٹ میں غیر ان کیپڈکھلاڑی ، کیشوا مہاراج کو جنوبی افریقہ کے ٹی 20 ورلڈ کپ ٹیم میں منتخب کیا گیا ہے ، جبکہ تجربہ کار اور سینئر کھلاڑی فاف ڈو پلیسی ، کرس مورس اور عمران طاہر باہر ہوگئے ہیں۔ کرکٹ جنوبی افریقہ نے جمعرات کو ٹی 20 ورلڈ کپ کے لیے 15 رکنی اسکواڈ کا اعلان کیا ہے جس میں سلیکٹرز نے کیشو مہاراج سمیت تین اسپنرز کا انتخاب کیا ہے۔ ورلڈ نمبر ون ٹی 20 گیندباز تبریز شمسی اور بیورن فورٹون دیگر دو اسپنر ہیں۔ لیفٹ آرم اسپنر جارج لنڈے کی شکل میں ٹیم میں ایک تیسرا اسپنر بھی موجود ہے جو ریزرو پلیئر کے طور پر ٹیم میں شامل ہوں گے۔ ٹیمبا باووما کو دوبارہ کپتانی سونپی گئی ہے ، جن سے توقع ہے کہ وہ ٹورنامنٹ سے پہلے انگوٹھے کی انجری سے ٹھیک ہو جائیں گے۔ باوما کی غیر موجودگی میں سری لنکا کے خلاف آئندہ ٹی ٹوئنٹی سیریز میں کیشو مہاراج اپنا ٹی 20 انٹرنیشنل ڈیبیو کریں گے۔ انہوں نے اب تک 36 ٹیسٹ اور 14 ون ڈے کھیلے ہیں۔ 104 ٹی 20 میچوں میں انہوں نے 6.62 کی اکانومی کے ساتھ 83 وکٹیں حاصل کیں۔ کوئنٹن ڈی کاک ، ڈیوڈ ملر ، ایڈن مارکرم اور ہینرچ کلازن جیسے ان فارم بلے بازوں کی موجودگی سے جنوبی افریقہ کا بلے بازی شعبہ مضبوط دکھائی دے رہا ہے۔ ٹیم میں آل راؤنڈر ویان مولڈر بھی شامل ہیں جو بیٹنگ لائن اپ کو مزید مضبوط کریں گے۔ اس کے علاوہ تیزگیندبازی کے مورچہ پر کیگسو ربادا ، لنگی اینگدی اور اینرک نورتجے دستیاب ہیں۔