میراتھن میچ میں نڈال نے جوکووچ کو ہرایا

پیرس،یکم جون ۔ رافیل نڈال فرانس کے دارالحکومت پیرس میں جاری فرنچ اوپن کے کوارٹر فائنل میں اپنے روایتی حریف نوواک جوکووچ کو شکست دے کر اپنے 15ویں سیمی فائنل میں پہنچ گئے ہیں۔ نڈال نے بدھ کو فلپ چٹریری کورٹ پر چار گھنٹے 12 منٹ تک جاری رہنے والے میچ میں جوکووچ کو 2-6 ,6-4 ,2-6, 6-7 (4)سے شکست دی۔ ہار کے بعد جوکووچ نے کہا، ’’وہ اہم لمحات میں ایک بہتر کھلاڑی ثابت ہوئے۔ انہوں نے دکھایا کہ وہ چیمپئن کیوں ہیں ۔ وہاں ذہنی طور پر مضبوط ہونا اور میچ کو اس طرح ختم کرنا قابل تعریف ہے۔ انہیں اور ان کی ٹیم کو مبارک ہو، اس میں کوئی شک نہیں کہ وہ اس کے مستحق ہیں۔‘‘ نڈال نے کہا، ’’یہ رات میرے لیے بہت جذباتی رہی۔ میں اب تک اس قسم کے میچوں کے لیے ٹینس کھیلتا رہا ہوں۔‘‘ انہوں نے کہا، “یہ صرف ایک کوارٹر فائنل میچ ہے۔ میں نے ابھی تک کچھ نہیں جیتا ہے۔ میں نے صرف دو دن بعد خود کو کورٹ میں واپس آنے کا موقع دیا ہے۔ رولینڈ گیروس میں ایک اور سیمی فائنل کھیلنا میرے لیے بہت معنی رکھتا ہے۔ سیمی فائنل میں نڈال کا مقابلہ زویریف سے ہوگا جو اسپین کے نوجوان سنسنی کارلوس الکاراز کو انتہائی قریبی مقابلے میں شکست دے کر اس مرحلے تک پہنچے ہیں۔ منگل کو کورٹ فلپ چٹریرے پر تین گھنٹے 18 منٹ تک جاری رہنے والے میچ میں جرمنی کے زیویریف نے الکاراز کو 4-6 ,4-6 ,6-4 , 6-7 (4)سے شکست دی۔