بے روزگاری میں آرہی ہے کمی: یادو
نئی دہلی، دسمبر۔محنت اور روزگار کے مرکزی وزیر بھوپیندر یادو نے جمعرات کو راجیہ سبھا میں کہا کہ ملک میں بے روزگاری میں بتدریج کمی آنے لگی ہے۔راجیہ سبھا میں وقفہ سوالات کے دوران ایک ضمنی سوال کے جواب میں مسٹر یادو نے کہا کہ روزگار کے لیے تین سطحوں پر سروے کیا جا رہا ہے اور اب ان تینوں سطحوں پر بے روزگاری کی شرح بتدریج کم ہونے لگی ہے۔انہوں نے کہا کہ منظم شعبے کے لیے ای پی ایف او کے اعداد و شمار لیے جاتے ہیں، جس سے ظاہر ہوتا ہے کہ اب ملک میں روزگار بڑھنا شروع ہو گیا ہے۔ اس کے ساتھ مختلف صنعتی شعبوں کے مزدوروں کا سروے کیا جاتا ہے جس میں مہمان نوازی، ٹرانسپورٹ، مینوفیکچرنگ وغیرہ میں روزگار میں اضافے کے اعداد و شمار سامنے آرہے ہیں۔ایک اور سوال کے جواب میں انہوں نے کہا کہ حکومت افرادی قوت میں خواتین کی تعداد بڑھانے کے لیے پرعزم ہے اور نئے لیبر قانون میں خواتین کی اجرت کو مردوں کے برابر کرنے پر زور دیا گیا ہے۔
