بنگلہ دیش ٹیسٹ سیریز کے لیے لیتھم کو نیوزی لینڈ کی کپتانی، اعجاز باہر

کرائسٹ چرچ،  دسمبر . نیوزی لینڈ نے بنگلہ دیش کے خلاف آئندہ ہوم ٹیسٹ سیریز کے لیے جمعرات کو اپنی 13 رکنی ٹیم کا اعلان کیا۔ تجربہ کار وکٹ کیپر بلے باز ٹام لیتھم کو باقاعدہ کپتان کین ولیمسن کہنی کی چوٹ کے باعث سیریز سے باہر ہونے کے بعد ایک بار پھر ٹیم کی قیادت سونپ دی گئی ہے۔ لیتھم نے اس سے قبل ولیمسن کی غیر موجودگی میں ممبئی میں ہندوستان کے خلاف دوسرے ٹیسٹ میں ٹیم کی قیادت کی تھی، لیکن یہ پہلا موقع ہوگا جب وہ پوری سیریز میں ٹیم کی قیادت کریں گے۔ اس کے ساتھ ہی ہندوستان کے خلاف اس سیریز میں کرشماتی بولنگ کرتے ہوئے ایک اننگز میں 10 وکٹیں لینے والے دنیا کے تیسرے باؤلر اعجاز پٹیل کو ٹیم میں شامل نہیں کیا گیا ہے جب کہ ریچن رویندرا اور ڈیرل مچل بطور اسپن ٹیم میں شامل ہیں اور بالترتیب اسپین اور سیم آل راؤنڈرز کے طور پرٹیم میں جگہ بنانے میں کامیاب رہے۔ فاسٹ بولنگ کے شعبے میں ٹرینٹ بولٹ اور میٹ ہنری نے ہندوستان میں دو میچوں کی سیریز میں آرام کے بعد ہوم سیریز میں واپسی کی ہے۔ اس کے علاوہ ڈیون کونوے، جنہوں نے انگلینڈ میں اپنے ٹیسٹ ڈیبیو میں متاثر کیا، نومبر میں انگلینڈ کے خلاف ٹی ٹوئنٹی ورلڈ کپ کے سیمی فائنل میں ہاتھ کی انجری کے باعث چند ہفتوں کے آرام کے بعد ٹیم میں واپس آئے ہیں۔ نیوزی لینڈ کے ہیڈ کوچ گیری اسٹیڈ نے اس بارے میں بتایاکہ’’اعجاز کے ہندوستان میں ریکارڈ ساز کارکردگی کے بعد ٹیم میں ان کی عدم موجودگی محسوس ہوگی۔ ہم سمجھتے ہیں کہ جو کھلاڑی منتخب کیے جاتے ہیں وہ بنگلہ دیش کے خلاف ہوم سیریز میں جس طرح سے ہم چاہتے ہیں اس طرح فٹ ہوں۔ ہمیں لگتا ہے کہ ٹیم میں راچن اور ڈیرل دونوں کے ٹیم میں ہونے سے ہمیں ایک اچھا توازن ملے گا اور ہم جس صورت حال کی امید کرتے ہیں، اس حساب سے یہ سب سے مناسب اہلیت والی ٹیم ہے۔ نیوزی لینڈ کا 13 رکنی اسکواڈ: ٹام لیتھم (کپتان)، ٹام بلنڈل (وکٹ کیپر)، ٹرینٹ بولٹ، ڈیون کونوے، میٹ ہنری، کائل جیمیسن، ڈیرل مچل، ہنری نکولس، راچن رویندرا، ٹم ساؤتھی، راس ٹیلر، نیل ویگنر، ول ینگ