اینرک نورٹجے ہندوستان کے خلاف ٹسٹ سیریز سے باہر

جوہانسبرگ، دسمبر۔جنوبی افریقہ کے اسٹار تیز گیند باز اینرک نورٹجے سنگین چوٹ کی وجہ سے ہندوستان کے خلاف آئندہ تین میچوں کی ٹیسٹ سیریز سے باہر ہو گئے ہیں۔کرکٹ جنوبی افریقہ نے منگل کے روز ایک ریلیز میں اس کی تصدیق کرتے ہوئے کہا، "اینریک نورٹجے پوری طرح صحت یاب نہیں ہوئے ہیں اور فی الحال اپنی صحت یابی کے لیے ماہرین سے مشورہ کر رہے ہیں۔ ٹیسٹ ٹیم میں نورٹجے کے متبادل کے طور پر کسی کھلاڑی کو شامل نہیں کیا جائے گا۔ وہی 20 رکنی ٹیسٹ ٹیم برقرار رہے گی۔ خیال رہے کہ جنوبی افریقہ کی ٹیم نے باکسنگ ڈے پر شروع ہونے والے پہلے ٹیسٹ میچ سے قبل اپنی حتمی تیاریاں شروع کر دی ہیں۔ ہندوستان اور جنوبی افریقہ کے درمیان پہلا ٹیسٹ 26 دسمبر سے سنچورین میں کھیلا جائے گا۔ دوسرا ٹیسٹ 3 سے 7 جنوری تک جوہانسبرگ میں کھیلا جائے گا جبکہ تیسرا اور آخری ٹیسٹ 11 سے 15 جنوری تک کیپ ٹاؤن میں کھیلا جائے گا۔ ٹیسٹ سیریز 2021-2023 آئی سی سی ورلڈ ٹیسٹ چیمپئن شپ کا حصہ ہو گی۔اس سال جولائی میں ویسٹ انڈیز کے کامیاب دورے کے بعد یہ جنوبی افریقہ کی پہلی ٹیسٹ سیریز ہے۔ جنوبی افریقہ نے ویسٹ انڈیز کے خلاف دو۔صفر سے کامیابی حاصل کی تھی۔20 رکنی جنوبی افریقی اسکواڈ: ڈین ایلگر (کپتان)، ٹیمبا باوما (نائب کپتان)، کوئنٹن ڈی کاک (وکٹ کیپر)، کگیسو ربادا، سریل اروی، بیورن ہینڈرکس، جارج لنڈے، کیشو مہاراج، لونگی انگیڈی، ایڈن مارکرم، ویان مولڈر ، کیگن پیٹرسن، رئیسی وین ڈیر ڈوسن، کائل ویرن، مارکو جینسن، گلینٹن اسٹیرمین، پرینیلن سبرین، سیسنڈا میگالا، ریان رکیلٹن، ڈوان اولیور۔