آصف اور فرید پر آئی سی سی نے جرمانہ عائد کیا

دبئی، ستمبر۔ پاکستان کے بلے باز آصف علی اور افغانستان کے تیز گیند باز فرید احمد پر بین الاقوامی کرکٹ کونسل (آئی سی سی) نے ضابطہ اخلاق کے لیول-1 کی خلاف ورزی کرنے پر ان کی میچ فیس کا 25 فیصد جرمانہ عائد کیا ہے۔ افغانستان اور پاکستان کے درمیان بدھ کو کھیلے گئے ایشیا کپ کے میچ میں دونوں کے درمیان جھڑپ ہوئی تھی۔ دوسری اننگز کے 19ویں اوور میں آصف کو آؤٹ کرنے کے بعد فرید نے ان کے بہت قریب جا کر وکٹ لے کر اپنی خوشی کا اظہار کیا۔ جواب میں آصف نے فرید کو دھکا دیا جس کے بعد دیگر کھلاڑیوں نے دونوں کو الگ کیا ۔ آئی سی سی نے بتایا کہ افغان باؤلر فرید احمد کو آرٹیکل 2.1.12 کی خلاف ورزی کا مرتکب قرار دیا گیا ہے اور قانون بین الاقوامی میچ کے دوران کسی کھلاڑی، میچ انتظامیہ، امپائر، میچ ریفری یا کسی دوسرے شخص (بشمول تماشائی) کے ساتھ نامناسب لہجہ اختیار کرنا یا ہاتھا پائی کے حوالے سے ہے۔ دونوں کھلاڑیوں نے اپنی غلطی تسلیم کی اور میچ ریفری اینڈی پائکرافٹ کی تجویز کردہ پابندیوں کو قبول کیا۔ پاکستان نے 20ویں اوور کی پہلی دو گیندوں پر نسیم شاہ کے دو چھکوں کی بدولت ایک وکٹ سے جیت حاصل کی، جس کے بعد ناظرین کے درمیان ہاتھا پائی بھی دیکھنے کو ملی۔ اس کے ساتھ ساتھ کھلاڑیوں کے ڈسپلنری ریکارڈ میں ایک ایک منفی پوائنٹ شامل کیا گیا ہے، تاہم دونوں کھلاڑیوں نے 24 ماہ کی مدت میں کوئی ایسا جرم نہیں کیا۔