آسٹریلوی شہری نے ایک گھنٹے میں سب سے زیادہ پْش اَپس کا عالمی ریکارڈ بنا دیا

سڈنی ،اپریل۔آسٹریلوی شہری نے ایک گھنٹے میں سب سے زیادہ پْش اَپس کا عالمی ریکارڈ بنا دیا۔غیر ملکی میڈیا رپورٹس کے مطابق آسٹریلیا سے تعلق رکھنے والے 33 سالہ لوکاس ہیمکے نے ایک گھنٹے میں 3 ہزار 206 پْش اَپس لگا کر گنیز ورلڈ ریکارڈز کی کتاب میں اپنا نام درج کروا لیا۔انہوں نے گزشتہ سال نومبر میں یہ کارنامہ سرانجام دیا تھا تاہم اب انہیں گنیز ورلڈ ریکارڈز کی جانب سے باضابطہ طور پرایک گھنٹے میں سب سے زیادہ پْش اَپس لگانے کے اعزاز سے نوازا گیاہے۔ آسٹریلوی شہری نے ایک منٹ میں اوسطً 53 پْش اَپس لگائے، اس سے قبل ایک گھنٹے میں سب سے زیادہ پْش اَپس کا ریکارڈ بھی ایک آسٹریلوی شہری کے پاس تھا۔2022 میں ڈینیئل اسکالی نے ایک گھنٹے میں 3 ہزار 182پْش اَپس لگا کر یہ اعزاز حاصل کیا تھا۔