آئی سی سی نے پاک بھارت مینز ٹی ٹوئنٹی ورلڈ کپ میچ کے ٹکٹ جاری کر دیئے

میلبورن، اگست۔انٹرنیشنل کرکٹ کونسل (آئی سی سی) نے جمعرات کو کہا کہ وہ 23 اکتوبر کو ایم سی جی میں ہونے والے ہندوستان اور پاکستان کے درمیان آئی سی سی مینز ٹی 20 ورلڈ کپ 2022 کے میچ کے لیے اسٹینڈنگ روم کے ٹکٹ جاری کرنے جا رہا ہے۔ ٹی20ولرڈکپ.کوم پر بدھ کی دوپہر 12 بجے سے 4,000 سے زیادہ سٹینڈنگ روم ٹکٹس اور محدود تعداد میں اضافی سیٹ الاٹمنٹ جاری کیے جائیں گے۔ آئی سی سی نے کہا کہ "اسٹینڈنگ روم کے ٹکٹ 30 ڈالر میں دستیاب ہوں گے اور پہلے آئیے، پہلے پائیے کی بنیاد پر فروخت کیے جائیں گے۔ تمام شائقین کی حوصلہ افزائی کی جاتی ہے کہ وہ اضافی ٹکٹوں کی ممکنہ مانگ کی وجہ سے اپنے ٹی20 ورلڈ کپ کے ٹکٹ اکاؤنٹس پہلے ہی بنا لیں۔” ” اس سے قبل اس سال فروری میں مینز ٹی ٹوئنٹی ورلڈ کپ کے آئندہ سیزن میں مارکی کلیش کے لیے ٹکٹیں الاٹ کی گئی تھیں جہاں پانچ منٹ میں تمام ٹکٹیں فروخت ہو گئیں۔ آئی سی سی کا مزید کہنا تھا کہ ‘ٹکٹوں کے اجراء کا مطلب یہ ہے کہ 23اکتوبر اتوار کو کھیلے جانے والے میچ میں شائقین کی زیادہ سے زیادہ تعداد شرکت کر سکتی ہے’۔ آئی سی سی مینز ٹی ٹوئنٹی ورلڈ کپ کے فائنل کے لیے ٹکٹ ابھی بھی دستیاب ہیں، جو 13 نومبر کو ایم سی جی میں منعقد ہوگا۔