صدر جمہوریہ دروپدی مرمو 23 اکتوبر کو بستر دسہرہ میں شرکت کریں گی،

جگدل پور، صدر جمہوریہ دروپدی مرمو کے آئندہ چھتیس گڑھ دورے کے سلسلے میں تیاریاں شروع کر دی گئی ہیں۔ صدر جمہوریہ کا 22 سے 23 اکتوبر 2026 تک رائے پور اور جگدل پور کا دورہ مجوزہ ہے۔ اس دوران 23 اکتوبر کو جگدل پور میں بستر دسہرہ کے عوامی پروگرام میں شرکت اور تاریخی موریا دربار میں حاضری کا پروگرام بھی مجوزہ ہے۔ یہ تقریب لال باغ گراو¿نڈ میں منعقد ہوگی۔
صدر جمہوریہ کے دورے کے پیش نظر ریاستی انتظامیہ نے ضروری تیاریاں شروع کر دی ہیں۔ چیف سکریٹری نے رائے پور اور بستر ڈویژن کے ضلع کلکٹروں کو دورے کے دوران ضروری انتظامات یقینی بنانے کی ہدایت دی ہے۔ ماں دنتیشوری ہوائی اڈے، جگدل پور سے لے کر پروگرام کے مقامات تک حفاظتی انتظامات مضبوط رکھنے اور سڑک کے ذریعے آمد و رفت کو آسان بنانے کی ذمہ داری متعلقہ ضلع کلکٹروں، پولیس کمشنروں اور پولیس سپرنٹنڈنٹس کو سونپی گئی ہے۔
بستر دسہرہ کمیٹی کے صدر اور رکن پارلیمنٹ مہیش کشیپ نے ماں دنتیشوری اور ماولی ماتا سے بستر دسہرہ کی تقریبات کے بخیر و خوبی مکمل ہونے کی خواہش کا اظہار کیا ہے۔ انہوں نے بستر، چھتیس گڑھ اور ملک بھر کے لوگوں سے اس منفرد ثقافتی تقریب میں شرکت کی اپیل کی۔
مہیش کشیپ نے کہا کہ صدر جمہوریہ دروپدی مرمو کی بستر دسہرہ کے اہم رسم و رواج میں شامل موریا دربار میں شرکت کا پروگرام مجوزہ ہونے سے اس سال کی تقریب کی اہمیت مزید بڑھ گئی ہے۔ انہوں نے اسے بستر کے لیے فخر کی بات قرار دیتے ہوئے صدر جمہوریہ کے استقبال اور خیرمقدم کی بات کہی۔