اے ایم یو فیکلٹی رکن کی ایس جی پی جی آئی ایم ایس، لکھنؤ میں منعقدہ بین الاقوامی کانفرنس میں شرکت

علی گڑھ, 25 اگست (ہ س) جواہر لعل نہرو میڈیکل کالج (جے این ایم سی)، علی گڑھ مسلم یونیورسٹی (اے ایم یو) کے شعبہ مائیکروبایولوجی کی پروفیسر فاطمہ خان نے سنجے گاندھی پوسٹ گریجویٹ انسٹی ٹیوٹ آف میڈیکل سائنسز (ایس جی پی جی آئی ایم ایس)، لکھنؤ کے شعبہ کریٹیکل کیئر میڈیسن کے زیر اہتمام 20 تا 23 اگست منعقدہ ایمپارو انٹرنیشنل کانفرنس 2026 میں شرکت کی۔

انھوں نے ورکشاپ کے ایک سیشن میں ‘‘ایمرجنسی شعبہ اور آئی سی یو میں اینٹی مائیکروبیئل اسٹیوارڈشپ’’ کے موضوع پر خطاب کیاجس میں انھوں نے اینٹی مائیکروبیئل کے معقول انتخاب، بروقت علاج کا آغاز، مائیکروبایولوجیکل جانچ، دوا کی خوراک اور طریقہ استعمال، تھیریپی کا جائزہ لے کر ضرورت کے مطابق ادویہ میں کمی یا تبدیلی کرنا، اور علاج کی مناسب مدت کا تعین جیسے امور پر روشنی ڈالی۔

انہوں نے اینٹی مائیکروبیئل اسسٹیوارڈشپ پر ایک کوئز بھی منعقد کیا۔ اس سے شرکاء کو ہنگامی اور انتہائی نگہداشت کے شعبوں میں اینٹی مائیکروبیئل اسٹیوارڈشپ کے عملی پہلوؤں پر تبادلہ خیال کا موقع ملا۔

جے این ایم سی کے شعبہ مائیکروبایولوجی کے سینئر ریزیڈنٹ ڈاکٹر سید ذیشان احمد ہاشمی نے اس کوئز میں سوئم انعام حاصل کیا۔