مان حکومت ڈرامہ بازی اور فضول خرچی میں ماہر: بگا

چنڈی گڑھ، دسمبر۔پنجاب ریاستی بھارتیہ جنتا پارٹی (بی جے پی) کے جنرل سکریٹری راجیش بگا نے سرکاری اسکولوں کے والدین اور اساتذہ کی میٹنگ میں حکومت پر اشتہارات پر کروڑوں روپے خرچ کرنے کا الزام لگاتے ہوئے کہا کہ وزیر اعلی بھگونت سنگھ مان کی حکومت نے اشتہارات پر کروڑوں روپے خرچ کیے ہیں۔ وہ ڈرامے بازی، دکھاوے اور فضول خرچی میں ماہر ہے۔یہاں جاری ایک بیان میں مسٹر بگا نے کہا کہ مسٹر مان دہلی کے نائب وزیر اعلیٰ منیش سسودیا کے ساتھ پٹیالہ کے سینئر سیکنڈری اسکول گئے، جہاں بچوں کو گھنٹوں انتظار کرنا پڑا۔ وزیر اعلی بھگونت مان نے کچھ منتخب بچوں کے والدین سے ملاقات کی۔ اس دوران میٹنگ کا بورڈ بھی صرف انگریزی میں لگایا گیا۔ مسٹر بگا نے پوچھا کہ وزیر اعلیٰ کی پنجابی سے محبت کہاں گئی؟ اس کے لیے اب وزیر اعلیٰ کس پر ایکشن لیں گے؟بی جے پی لیڈر نے الزام لگایا کہ وزیراعلیٰ کی پنجابیوں سے محبت محض ایک ڈرامہ ہے۔ انہوں نے کہا کہ وزیر اعلیٰ اس قسم کی تقریبات منعقد کرنے کے بجائے اسکول ایجوکیشن کے ڈھانچے کو مضبوط اور بہتر بنانے پر توجہ دیں۔انہوں نے کہا کہ پنجاب حکومت کے پاس اپنے ملازمین کی تنخواہیں ادا کرنے کے لیے پیسے نہیں ہیں لیکن مان حکومت نے پارٹی سربراہ اروند کیجریوال کو خوش کرنے اور عام آدمی پارٹی کے سیاسی مقصد کے لیے دیگر ریاستوں میں اشتہارات دے کر پنجاب کے خزانے سے پچھلے 9 مہینوں میں 300 کروڑ روپے پھونک دیئے ہیں۔ انہوں نے اس کی تحقیقات کا مطالبہ کیا۔