سینسیکس دس ہفتے کی بلند ترین سطح پر

ممبئی، جولائی۔عالمی مارکیٹ میں سرمایہ کاروں کی مسلسل تیزی کے سبب الٹراسمکو، ایچ ڈی ایف سی، آئی سی آئی سی آئی بینک، ریلائنس، ایس بی آئی، ماروتی، ٹاٹا اسٹیل اور سمیت اٹھارہ بڑی کمپنیوں میں مقامی طور پر خریداری کی بدولت سینسیکس میں آج مسلسل چھٹے دن چڑھتے ہوئے دس ہفتوں کی بلند ترین سطح 56 ہزار پوائنٹ پر پہنچ گیا۔بی ایس ای کا 30 حصص کا حساس انڈیکس سینسیکس 390.28 پوائنٹس کی چھلانگ لگا کر 56 ہزار پوائنٹس کی نفسیاتی سطح کو عبور کرتے ہوئے 10 ہفتے کی بلند ترین سطح 56072.23 پر پہنچ گیا۔ اسی طرح، نیشنل اسٹاک ایکسچینج (این ایس ای) کا نفٹی 114.20 پوائنٹس کی چھلانگ لگا کر 16719.45 پر پہنچ گیا۔ وہیں بی ایس ای کی بڑی اور چھوٹی کمپنیوں کے برعکس درمیانی کمپنیوں میں فروخت ہوئی۔ اس عرصے کے دوران مڈ کیپ 0.17 فیصد گر کر 23,660.37 پوائنٹس پر آگیا، جبکہ اسمال کیپ 0.21 فیصد اضافے کے ساتھ 26,773.41 پوائنٹس پر آگیا۔اس دوران بی ایس ای میں 9 گروپس سبز نشان میں رہے جبکہ باقی 10 سرخ نشان پر رہے۔ بینکنگ 1.49، بیسک میٹریلس 1.26، ایف ایم سی جی 0.43، فنانس 1.36 اور ریئلٹی گروپ 0.37 فیصد بڑھے، جبکہ آئی ٹی گروپ 0.69، ٹیلی کام 0.69، یوٹیلٹیز 0.75، آئل اینڈ گیس 0.41، ٹیک گروپ 0.73 فیصد اور پاور گروپ میں 0.73 فیصد اتر گئے۔بین الاقوامی مارکیٹ میں تیزی کا رجحان رہا۔ برطانیہ کا ایف ٹی ایس ای 0.27، جرمنی کا ڈی اے ایکس 0.19، جاپان کا نکئی 0.40 اور ہانگ کانگ کا ہینگ سینگ 0.17 فیصد مضبوط رہا جبکہ چین کا شنگھائی کمپوزٹ 0.06 فیصد گر اوٹ رہی۔