شیئر بازار میں چھٹے روز بھی مندی کا سلسلہ جاری

ممبئی، جون۔ عالمی بازار سے ملے جلے اشاروں کے درمیان گھریلو سطح پر تیل اور گیس اور توانائی جیسے گروپوں میں فروخت ہونے کی وجہ سے شیئر بازار آج مسلسل چھٹے دن گراوٹ کا شکار رہا۔
اس دوران سینسیکس 135 پوائنٹس اور نفٹی 67 پوائنٹس گر گیا۔بی ایس ای کا 30 شیئروں والا حساس انڈیکس سینسیکس 135.37 پوائنٹس گر کر 51360.42 پوائنٹس اور نیشنل اسٹاک ایکسچینج (این ایس ای) کا نفٹی 67.10 پوائنٹس گر کر 15293.50 پوائنٹس پر آگیا۔ بڑی کمپنیوں کے مقابلے درمیانی اور چھوٹی کمپنیوں میں زیادہ فروخت دیکھی گئی، جس کی وجہ سے بی ایس ای مڈ کیپ 0.68 فیصد گر کر 21295.93 پوائنٹس اور اسمال کیپ 0.88 فیصد گر کر 24133.88 پوائنٹس پر آگیا۔بی ایس ای میں شامل زیادہ تر گروپ سرخ رنگ میں رہے۔ اس میں تیل اور گیس میں سب سے زیادہ 3.07 فیصد اور توانائی میں 1.86 فیصد کمی ہوئی۔ بی ایس ای پر کل 3421 کمپنیوں کا کاروبار ہوا، جن میں سے 2252 سرخ نشان میں اور 1076 سبز میں تھیں، جب کہ 93 میں کوئی تبدیلی نہیں ہوئی۔بین الاقوامی سطح پر برطانیہ کے ایف ٹی ایس ای میں 0.89 فیصد، جرمنی کے ڈی اے ایکس میں 1.23 فیصد، ہانگ کانگ کے ہینگ سینگ میں 1.10 فیصد اور چین کے شنگھائی کمپوزٹ میں 0.96 فیصد اضافہ ہوا، جبکہ جاپان کے نکیئی میں 1.77 فیصد کی کمی ہوئی۔