نیٹ فلکس کا وگنیش اور نین تارا کی شادی نہ دکھانے کا فیصلہ

ممبئی ،جولائی۔ وگنیش اور نین تارا کی شادی میں فلمساز بونی کپور سے لے کر رجنی کانت، شاہ رخ خان، منی رتنم، سوریا، اے آر رحمان، ایٹلی، کارتہی، وسنت روی سمیت کئی معروف شخصیات نے شرکت کی۔ نین تارا اور وگنیش شیون یہ جان کر بہت خوش ہوئے کہ نیٹ فلکس نے ان کی شادی کے اسٹریمنگ رائٹس 25 کروڑ روپے میں خریدنے کا فیصلہ کیا ہے۔تاہم انسٹاگرام پر ون ماہ اینیورسری پر شیئر کی گئی تصاویر نے اسٹریمنگ جائنٹ کو پریشان کردیا ہے اور ایسی صورتحال میں انہوں نے او ٹی ٹی پلیٹ فارم پر جوڑے کی شادی نہ دکھانے کا فیصلہ کیا ہے۔جبکہ نین تارا کے شوہر کا خیال تھا کہ شادی کی تصویروں کو پوشیدہ رکھنے سے لوگوں کی دلچسپی کم ہو سکتی ہے۔ اس لیے فلم ساز نے سوچا کہ ایک ماہ کی سالگرہ ان دیکھی تصویروں کے ساتھ منانا اچھا خیال ہوگا۔ تاہم، ان کی یہ سوچ نیٹ فلکس کے ساتھ اسٹریمنگ ڈیل کے بیک آؤٹ کی وجہ بن گئی! ایسے میں وگنیش اور نین تارا کو بڑا جھٹکا لگا ہے۔ او ٹی ٹی پر نشر نہ ہونے کی وجہ سے نہ صرف یہ دونوں بلکہ ان کے مداحوں کو بھی افسوس ہوا ہے کیونکہ وہ نین تارا کی شادی کو دیکھنے کیلئے کافی بہت پرجوش تھے۔ اطلاعات کے مطابق اسٹار جوڑے نے شادی کی تیاریوں پر کچھ خرچ نہیں کیا کیونکہ اسٹریمنگ قدآور نے تمام کام اپنی ضروریات کے مطابق کیے تھے۔ نیٹ فلکس کی ٹیم نے مہابلی پورم میں ایک فائیو اسٹار ہوٹل بک کرایا تھا، جبکہ شیشے کا ایک بڑا قلعہ بھی بنایا گیا۔ اس کے علاوہ شادی میں آنے والے ہر مہمان کو 3500 روپے میں ایک پلیٹ کھانا پیش کیا گیا۔ان سب کے علاوہ میک اپ آرٹسٹ اور جوڑے کے لیے سکیورٹی گارڈز کا انتظام بھی نیٹ فلکس نے ہی کیا تھا۔ یہ سب کچھ اس لیے کیا گیا تاکہ اس شاہی شادی کی اسٹریمنگ کسی فلم کی طرح او ٹی ٹی پر دکھائی جائے لیکن ریلیز سے قبل تصاویر آنے کی وجہ سے اسٹریمنگ کا معاہدہ رد ہو رہا ہے!۔ نین تارا شاہ رخ خان کے مقابل ایٹلی کمار کی فلم جوان میں نظر آئیں گی۔ اس کے علاوہ ان کے پاس’گاڈ فادر‘،’پتو‘،’ کنیکٹ‘،’ترشنا‘ اور’اے کے 62‘ جیسی فلمیں بھی ہیں۔