بنگال میں تعلیم اور روزگار کے مواقع بہتر طریقے سے پیدا ہوئے ہیں:ممتا بنرجی
کلکتہ جولائی۔ ممتا بنرجی نے جمعرات کو بنگال میں تعلیمی نظام کے ساتھ ساتھ روزگار پر کے مواقع پر دعویٰ کرتے ہوئے کہا کہ بنگال میں تعلیم کا معیار بہت بہتر ہونے کے ساتھ ساتھ روزگار کے مواقع بھی پیدا ہوئے ہیں۔ ممتا بنرجی نے کہا کہ مغربی بنگال بورڈ کی تعلیم کا معیار سی بی ایس ای، آئی سی ایس ای سے کم نہیں ہے۔جمعرات کو وزیر اعلیٰ نے نیتا جی انڈور اسٹیڈیم میں 6,000 طلباء میں اسٹوڈنٹ کریڈٹ کارڈ تقسیم کیا۔ انہوں نے سول سروس کوچنگ سنٹر کا افتتاح بھی کیا۔ وزیر اعلیٰ نے مزید کہا کہ ریاست میں گزشتہ 10 سالوں میں 30 یونیورسٹیاں قائم کی گئی ہیں۔ 14 نئے میڈیکل کالج، 262 آئی ٹی آئی، 164 پولی ٹیکنک، 6,000 اسکول، 200,000 سے زیادہ کلاسز، 361 سنتھالی میڈیم اسکول اور 4000 سے زیادہ دیگر زبانوں کے اسکول قائم کیے گئے ہیں۔ اعداد و شمار کے ساتھ ممتا نے کہا، 1 کروڑ 3 لاکھ طلباء کو پہلے ہی سائیکل مل چکے ہیں۔ 16 لاکھ 17 ہزار طلباء کو پہلے ہی ٹیب دیے جا چکے ہیں۔ ہماری حکومت نے 10 سالوں میں 30 یونیورسٹیاں بنائی ہیں۔ اسٹوڈنٹ کریڈٹ کارڈ کے لیے 1293 کروڑ روپے پہلے ہی خرچ کیے جا چکے ہیں۔ آنے والے دنوں میں جتنی زیادہ صنعتیں ہوں گی، ریاست میں روزگار میں اتنا ہی اضافہ ہوگا۔ طلباء کی مجموعی بہتری پر بات کرتے ہوئے ممتا بنرجی نے اساتذہ اور تعلیمی حکام کو خبردار کیاکہ جب آپ بچوں کی تیاری کرتے ہیں، تو آپ کو بچوں کی طرح بننا پڑتاہے۔ جب آپ طلباء کو پڑھاتے ہیں، تو آپ کو سمجھنا ہوگا کہ وہ کیا چاہتے ہیں۔وزیر اعلیٰ نے مزید کہاکہ کیا ہم نے کبھی غور کیا ہے کہ ہمارے بنگالی لڑکے اور لڑکیاں ہاورڈ، کیمبرج چلاتے ہیں؟ سی بی ایس ای، آئی سی ایس ای سے پہلے ہمارے بچوں کے نمبروں میں بڑا فرق تھا، لیکن اب ہمارے بچوں کو نمبر ملتے ہیں۔ آج ہم بہت آگے ہیں۔ہم پرائمری تعلیم میں بھی پہلے نمبر پر ہیں۔ وزیر اعلیٰ ممتا بنرجی نے مرکز پر سنگین الزامات لگاتے ہوئے کہا کہ سیاسی وجوہات کی بنا پر مرکز کی طرف سے بنگال کو معاشی طور پر مسدود کیا جا رہا ہے۔ ممتا بنرجی نے کہا، 100 دن اسکیم کے فنڈ کے روپے گزشتہ 6 مہینے سے روک دیا گیا ہے۔. UGCکا پیسہ روک دیا گیا ہے۔بنگلہ باریکا پیسہ روک دیا گیا ہے۔سیاسی وجوہات کی بنا پر ہمارے فنڈ روکے جارہے ہیں۔ہم نے ہوشیاری سے 10 لاکھ نوکریاں پیدا کی ہیں۔ ہم جاب میلے کر رہے ہیں۔ 30,000 نوکریاں ہیں۔ ایک دن ہم ان ملازمتوں کو باضابطہ طور پر تقسیم کریں گے۔ وزیرا علیٰ ممتا بنرجی نے افسران سے اپیل کی کہ ہردن اہم ہوتا ہے، ضمیر کی بنیاد پر کام کرتے رہیں ہم ہمیشہ یہی سوچتے رہتے ہیں کہ کس طرح منفی باتوں سے گریز کیا جائے۔ایک دو غلطیاں ہو سکتی ہیں۔ آپ کچھ کرتے ہیں، لیکن جان بوجھ کرغلطی نہیں ہونی چاہیے۔
