ہم نے ہمیشہ تمام مذاہب کا خیال رکھا اور تمام مذاہب کے لوگوں کیلئے کام کیا

پٹنہ، جولائی، وزیر اعلیٰ نتیش کمار نے آج ریموٹ کے ذریعے 8 کروڑ 74 لاکھ 75 ہزار 500 روپے کی لاگت سے بکسر ضلع کے تحت برہم پور میں بابا برہمیشور ناتھ مندر کی ترقی اور خوبصورتی کے کام کا سنگ بنیاد رکھا۔ 1 انے مارگ واقع’سنکلپ’ میں ویڈیو کانفرنسنگ کے ذریعے منعقدہ سنگ بنیاد کے اس پروگرام میں پرنسپل سکریٹری سیاحت سنتوش کمار مل نے وزیر اعلیٰ کو سبز پودا پیش کرتے ہوئے ان کا استقبال کیا۔ پروگرام میں وزیر اعلیٰ کے سامنے بابا برہمیشور ناتھ مندر پر مبنی ایک مختصر فلم بھی دکھائی گئی۔ بابا برہمیشور ناتھ مندر، برہما پور میں آنے والے ہزاروں عقیدت مندوں کو سہولیات فراہم کرنے کے مقصد سے محکمہ سیاحت نے 874.75 لاکھ روپے کی لاگت سے مندر کے احاطے کے قریب 5 ایکڑ پر واقع قدیم تالاب کی جدید کاری ، مندر کے احاطے کا محاصرہ ، مندر میں عقیدت مندوں کی آمد و رفت میں سہولت کی فراہمی۔درشن کے لیے قطار کا انتظام، مندر کے احاطے میں واقع عوامی اجابت خانہ کی جدید کاری، قدیم خستہ حال اور ناقابل استعمال ڈھانچوں کو ہٹانے، عظیم الشان استقبالیہ گیٹ کی تعمیر، اندرونی اور بیرونی بجلی کاری وغیرہ کا کام کیا جائے گا۔ . یہ کام ایک سال کے اندر مکمل ہونا ہے۔
ویڈیو کانفرنسنگ کے ذریعے منعقدہ پروگرام کو خطاب کرتے ہوئے وزیر اعلیٰ نے کہا کہ سب سے پہلے میں اس سنگ بنیاد رکھنے کے پروگرام میں موجود آپ سب کاخیرمقدم کرتا ہوں۔ میں اس پروگرام کا حصہ بن کر بہت خوش ہوں۔ بابا برہمیشور ناتھ مندر کے احاطے میں 5 ایکڑ کا ایک قدیم تالاب ہے جس کی تزئین کی جائے گی۔ عقیدت مندوں کی سہولت کو مدنظر رکھتے ہوئے بیت الخلاءکی تعمیر، چینج روم، استقبالیہ گیٹ وغیرہ بھی بنائے جائیں گے تاکہ یہاں آنے والے عقیدت مندوں کو کسی قسم کی تکلیف کا سامنا نہ کرنا پڑے۔ انہوں نے کہا کہ بابا برہمیشور ناتھ مندر بھگوان شیو کا قدیم مندر ہے۔ خیال کیا جاتا ہے کہ یہ مندر بھگوان برہما نے قائم کیا تھا جس کی وجہ سے اس مندر کا نام برہمیشور ناتھ مندر پڑ گیا۔ بابا برہمیشور ناتھ مندر کی بہت اہمیت ہے۔ لوگ بڑی تعداد میں یہاں شادی کرنے آتے ہیں۔ ساون کے مہینے میں بکسر کے رام ریکھا گھاٹ سے گنگاجل لے کر جلبھیشیک کرنے کے لیے عقیدت مند یہاں بڑی تعداد میں پہنچتے ہیں۔ برسوں پہلے مجھے بھی وہاں جانے کا موقع حاصل ہواتھا۔ ہمارے پرانے دوست بھائی سریو رائے جی بکسر ضلع کے رہنے والے ہیں۔ ہمارا تعلق 1974 سے ہے۔ ایک بار انہوں نے خود اس بابا برہمیشور ناتھ مندر کاذکر کیا تھاکہ بابابرہمیشور ناتھ مندر پرکام ہونا چاہیے۔ شری سریو رائے جی نے بھی سون ندی کی بہتری کے لیے کافی کام کیا ہے۔ صرف دو دن پہلے 19 تاریخ کو، سریو رائے جی،مسٹر اودھیش نارائن سنگھ، بہار قانون ساز کونسل کے کارگزار چئیرمین کے ساتھ، جھارکھنڈ ہائی کورٹ کے جج ڈاکٹر ایس این پاٹھک ہم سے ملنے آئے تھے۔ انہوں نے کام شروع ہونے پر انتہائی خوشی کا اظہار کیا ہے۔ ڈاکٹر پاٹھک بابا برہمیشور ناتھ مندر کے رہنے والے ہیں۔ اس سلسلے میں ہم نے محکمہ جاتی افسران سے مشورہ کیا، پھر پروگرام کا خاکہ طے کیا گیا۔ اس میں کچھ وقت لگا اور آج سنگ بنیاد رکھ دیا گیا ہے۔ محکمہ نے دعویٰ کیا ہے کہ یہ کام ایک سال کے اندر مکمل کر لیا جائے گا۔