ہمیشہ سے ’’بھیڑیا‘‘ جیسی فلم میں کرنے کی خواہش تھی، ورون دھون

ممبئی ،اگست۔ بولی وڈ اداکار ورون دھون نے نہایت مختصر وقت میں اپنی منفرد اداکاری کی بدولت بولی وڈ میں جگہ بنائی ہے۔ ورون دھون نے کرن جوہر کی ہٹ فلم اسٹوڈنٹ آف دی ایئر سے اپنی شروعات کی تھی جس میں سدھارتھ ملہوترا اور عالیہ بھٹ بھی ان کے ساتھ مرکزی کرداروں میں تھے، اس فلم کی کامیابی کے بعد انہوں نے کبھی پیچھے مڑ کر نہیں دیکھا۔ورون دھون نے اپنے ایک حالیہ انٹرویو میں کہا ہے کہ وہ ہمیشہ سے ہی تفریحی فلموں میں کام کرنا چاہتے تھیایسی فلمیں انہیں ریلیکس رکھتی ہیں۔انہوں نے کہا کہ میں نے شوجیت سرکار، نتیش تیواری، اور سری رام راگھون جیسے اچھے ہدایت کاروں کے ساتھ کام کرکے بہت سیکھا اور مجھے آگے جانے کا موقع بھی ملا۔ورون دھون نے کہا کہ میری ہمیشہ سے امر کوشک کی ’’ بھیڑیا ’’ جیسی فلم میں کرنے کی خواہش تھی میری خوش نصیبی ہے کہ مجھے اس فلم میں کام کرکے اپنی صلاحیتیں دکھانے کا موقع میسر آیا اور ایسے اسکرپٹ آج کل کم بنتے ہیں۔ان کا کہنا تھا کہ فلم بدلہ پور میں پرڈیوسر دنیش وجن کے ساتھ کام کرنے کا تجربہ بہت اچھا رہا، جب میرے پاس پرڈیوسر یہ فلم لایا تو میں نے کہا کہ تم میرے پاس ہمیشہ ہی ٹیڑھے اسکرپٹ کیوں لیکر آتے ہو ،تو انہوں نے کہا کہ اسی میں تو مزہ ہے اور میں تمہیں اپنی اس فلم کا حصہ بنانا چاہتا ہوں میں نے حامی بھری اور پھر کام کیا تو محسوس کیا کہ واقعتا کوئی کردار کیا ہے۔ورون دھون نے کہا کہ میں جب بھی سیٹ پر جاتا ہوں، تو میرا کام ماضی میں میرے کئے کام سے کافی مختلف ہوتا ہے اور میری کوشش یہی ہوتی ہے کہ میں اپنے شائقین کو اینٹرٹین کروں۔