کرن رجیجو نے ”لو ان نائنٹیز“ کا ٹریلر لانچ کیا

نئی دہلی، مئی۔قانون اور انصاف کے مرکزی وزیر کرن رجیجو نے ہفتہ کو یہاں نیشنل میڈیا سینٹر میں تپن نٹم کی ہدایت کاری میں بنی فلم ’لو ان نائنٹیز‘کا ٹریلر لانچ کیا۔یہ فلم اروناچل پردیش میں ٹیگین کمیونٹی پر مبنی ہے۔ یہ برادری اس سرحدی ریاست کے اہم قبائل میں سے ایک ہے۔ٹریلر کو تپن اور پلے بیک سنگر موہت چوہان کی موجودگی میں لانچ کیا گیا۔ بالی ووڈ کے میگا اسٹار سلمان خان نے بھی فلم کے لیے ایک ویڈیو پیغام شیئر کیا۔اس موقع پر ڈائریکٹر تپن نے کہا، ”یہ دہلی میں ٹیگین فلم کا پہلا ٹریلر لانچ ہے۔ یہ میرے لیے بہت فخر کا لمحہ ہے۔“اروناچل ویسٹ سیٹ کے ایم پیمسٹر رجیجو نے کہا، ”یہ ایک شائستہ آغاز ہے۔ مقصد بڑا ہے۔ ثقافت اور روایت کو لوگوں کے سامنے پیش کرنا بہت بڑی بات ہے۔ ہمیں تخلیقی صلاحیتوں کے ذریعے اپنی ثقافت کو آگے بڑھانا ہے۔ ہمیں اپنی جڑوں سے جڑنا ہے۔“مسٹر رجیجو نے یہ بھی بتایا کہ فلم جون میں ریلیز ہونے کا امکان ہے۔انہوں نے کہا ”یہ اروناچل پردیش کی تاریخ میں ایک سنگ میل ہے۔ سبھی کو فلم دیکھنی چاہیے۔ میں ”لو ان نائنیز“ کی پوری ٹیم کو مبارکباد دیتا ہوں۔موہت نے کہا، ”میں ہدایت کار کو مبارکباد دیتا ہوں۔ مجھے امید ہے کہ یہ فلم پوری دنیا میں دیکھی جائے گی۔ ثقافت کے تحفظ کے لیے یہ ایک اہم قدم ہے۔ یہ ایک سنگ میل ہے۔“موہت نے بھی اپنی سحر انگیز کارکردگی سے سامعین کو مسحور کر دیا۔