کارتیک آریان نے اچانک گاڑی سڑک کے کنارے کیوں روکی؟

ممبئی،نومبر۔بالی ووڈ کے معروف اداکار کارتیک آریان نے بگ باس سیزن 15 میں شرکت کے بعد گھر واپسی پر اچانک سڑک کے کنارے گاڑی روک دی۔کارتیک آریان نے اپنی آنے والی فلم ’دھماکا‘ کی تشہیر کے لیے سلمان خان کے مشہور شو ’بگ باس‘ میں بطور مہمان شرکت کی۔اس شو سے گھر واپسی پر انہوں نے سڑک کے کنارے کھڑی ایک فوڈ وین سے کھانا لے کر کھانے کا فیصلہ کیا۔سوشل میڈیا پر ایک ویڈیو وائرل ہو رہی ہے جس میں کارتیک آریان کی گاڑی سڑک کے کناریایک فوڈ وین کے پاس کھڑی ہے اور وہ اپنے ایک دوست کے ساتھ کار کے پاس کھڑے ہوکر کار کے بونٹ پر رکھے ہوئے چینی کھانوں سے لطف اندوز ہو رہے ہیں۔اس ویڈیو کے سوشل میڈیا پر شیئر ہوتے ہی کارتیک آریان کے مداح ایک نامور شخصیت ہونے کے باوجود بھی سڑک کے کنارے کھڑی ایک عام شہری کی فوڈ وین سے کھانا لے کر کھانے پر ان کی تعریف کررہے ہیں۔