چار ہائی کورٹ کے 20 ایڈیشنل جج کو ترقی دے کر جج مقرر کیا گیا

نئی دہلی، مارچ۔ صدر جمہوریہ دروپدی مرمو نے چار ہائی کورٹ کے 20 ایڈیشنل ججوں کو جج کے عہدے پر ترقی دے کر ان کی تقرری کو منظوری دی ہے۔مرکزی حکومت نے جمعہ کے روز ان ججوں کی تقرری سے متعلق نوٹیفکیشن جاری کیا۔مرکزی وزارت قانون و انصاف کی طرف سے جاری کردہ نوٹیفکیشن کے مطابق صدر جمہوریہ مرمو نے الہ آباد ہائی کورٹ کے 10، مدراس کے پانچ، بمبئی کے چار اور دہلی ہائی کورٹ کے ایک ایڈیشنل جج کو ترقی دے کر جج کے عہدے پر تقرری کی منظوری دی ہے۔نوٹیفکیشن کے مطابق الہ آباد ہائی کورٹ کے ایڈیشنل جج جسٹس آشوتوش سریواستو، جسٹس سبھاش ودیارتی، جسٹس برج راج سنگھ، جسٹس چندر کمار رائے، جسٹس کرشنا پہل، جسٹس سمیر جین، جسٹس سری پرکاش سنگھ، جسٹس وکاس بدھوار، جسٹس اوم پرکاش ترپاٹھی اور جسٹس وکرم ڈی چوہان کو ترقی دے کر جج مقرر کیا گیا ہے۔اسی طرح مدراس ہائی کورٹ کے ایڈیشنل جج جسٹس محمد شفیق، جسٹس جے ستیہ نارائن پرساد، جسٹس سندرم سریماتھی، جسٹس ڈی بھرت چکرورتی اور جسٹس آر وجے کمار کو جج کے طور پر ترقی دی گئی ہے۔نوٹیفکیشن کے مطابق بمبئی ہائی کورٹ کے ایڈیشنل جج جسٹس راجیش نارائن داس لڈا، جسٹس سنجے گنپت راؤ مہارے، جسٹس گووندا آنند اور جسٹس شیوکمار گنپت راؤ کو جج مقرر کیا گیا ہے۔دہلی ہائی کورٹ نے ایڈیشنل جج جسٹس امت شرما کو جج کے طور پر ترقی دینے کی منظوری دی گئی ہے۔