پریانکا چوپڑا کی نک جونس کی اسٹیج پرفارمنس پر ڈانس ویڈیو وائرل

ممبئی،فروری۔عالمی شہرت یافتہ بھارتی اداکارہ پریانکا چوپڑا کی اپنے شوہر، گلوکار نِک جونس کی اسٹیج پرفارمنس کے دوران ڈانس کرتے ہوئے ویڈیو سوشل میڈیا پر وائرل ہوگئی ہے۔پریانکا چوپڑا کی سوشل میڈیا کے مختلف پیجز پر ایک ویڈیو گردش کررہی ہے، جس میں نک جونس کی اسٹیج پرفارمنس کے دوران پریانکا چوپڑا کو شائقین کے درمیان کھڑے بہت ہی پرجوش انداز میں ڈانس کرتے ہوئے دیکھا جاسکتا ہے۔نِک جونس کو پریانکا چوپڑا کو اپنی پرفارمنس پر اس طرح پرجوش انداز میں ڈانس کرتے دیکھ کر بہت خوشی ہوئی۔اس ایونٹ میں شرکت کرنے کے لیے پریانکا چوپڑا نے چمکدار دھاتی سیاہ رنگ کے لباس جبکہ نِک جونس نے سیاہ رنگ کے لباس کا انتخاب کیا۔اس وائرل ویڈیو پر سوشل میڈیا صارفین کی جانب سے دلچسپ تبصروں کا سلسلہ بھی جاری ہے۔واضح رہے کہ پریانکا چوپڑا جیمز سی اسٹراؤس کی فلم’لوو اگین‘ میں نظر آئیں گی جوکہ 12 مئی 2023ء کو امریکا میں ریلیز ہوگی۔ اس کے علاوہ، فرحان اختر کی فلم ’جی لے زرا‘ میں کترینہ کیف اور عالیہ بھٹ کے ساتھ بھی اسکرین پر نظر آئیں گی۔