پاکستان اور نیدرلینڈز کی ون ڈے سیریز میں شاہین کو آرام دینے کا فیصلہ

لاہور،جولائی۔پاکستانی ٹیم مینجمنٹ نے دورہ نیدرلینڈز کے دوران ون ڈے سیریز میں شاہین آفریدی کو آرام دینے کا فیصلہ کیا ہے۔ذرائع کے مطابق دورہ نیدر لینڈز کے لیے ون ڈے اسکواڈ کا اعلان دوسرے ٹیسٹ کے بعد کیا جائے گا۔ذرائع کا بتانا ہے کہ پاکستان اور سری لنکا کی ٹیموں کے درمیان دوسرا ٹیسٹ 28 جولائی کو ختم ہوگا جب کہ پاکستانی ون ڈے اسکواڈ کا کیمپ اگست کے پہلے ہفتے کے اوائل میں شروع ہونے کا امکان ہے۔ذرائع کے مطابق پاکستانی ون ڈے اسکواڈ اگست کے دوسرے ہفتے نیدر لینڈز روانہ ہوگا ، نیدر لینڈز میں ون ڈے میچز 16 ، 18 اور 21 اگست کو کھیلے جائیں گے۔ذرائع کا کہنا ہے کہ تین ون ڈے میچز ورلڈکپ سپر لیگ کا حصہ ہیں، فاسٹ بولر شاہین آفریدی کو تین ون ڈے میچز کی سیریز سے آرام دیا جائے گا۔ذرائع نے بتایا کہ ویسٹ انڈیز کے خلاف حصہ لینے والے اسکواڈ میں زیادہ ردو بدل کا امکان نہیں۔یاد رہے کہ شاہین آفریدی کو انجری کے باعث سری لنکا کے خلاف دوسرے ٹیسٹ میں آرام میں بھی آرام دیا گیا ہے۔