میونسپل کرپشن کیس میں سی بی آئی تحقیقات کے حکم پر روک لگانے سے عدالت کا انکار

کلکتہ ،مئی ۔کلکتہ ہائی کورٹ کی جج امریتا سنگھ نے میونسپل کرپشن کیس میں سی بی آئی تحقیقات کے حکم پر روک لگانے سے انکار کردیا ہے۔ ہائی کورٹ آئندہ جمعہ کو اس کیس کا فیصلہ سنائے گی۔ اس سے پہلے جسٹس ابھیجیت گنگوپادھیائے نے کیس کی سی بی آئی جانچ کا حکم دیا تھا۔ ریاستی حکومت نے جسٹس سنگھ کی بنچ سے حکم پر نظرثانی کرنے کی درخواست کی تھی۔ایڈو کیٹ بکاس رنجن بھٹاچاریہ کے وکیل نے میونسپل کونسل میں سی بی آئی تحقیقات کے حکم پر نظر ثانی کی مخالفت کرتے ہوئے کہاکہ عام طور پر صرف وہی جج جس نے حکم جاری کیا ہو، حکم پر نظر ثانی کر سکتا ہے۔ اس تناظر میں جسٹس سنگھ نے کہا کہ ’’جہاں تک مجھے معلوم ہے، چیف جسٹس نے تمام کیس اس بنچ کو بھیجے ہیں‘‘۔ ’’پھر میرے پاس کہنے کو کچھ نہیں ہے،‘‘ایڈوکیٹ جنرل سریندر ناتھ مکھوپادھیائے نے کہاکہ سب سے پہلے،ای ڈی درخواست کی بنیاد پر میونسپل بدعنوانی کی سی بی آئی انکوائری کا حکم دیا گیا ہے۔ لیکن میونسپل کیس اس جج کے دائرہ اختیار میں نہیں ہے۔ لیکن وہ یہ ہدایت کیسے دے سکتے ہے؟ ہائی کورٹ کا چیف جسٹس فیصلہ کرتا ہے کہ کون سا جج کس کیس کی سماعت کرے گا۔ اس بنچ میں میونسپل کیس نہیں تھا۔ اس لیے بنچ کے پاس اس کیس کی سماعت کا کوئی دائرہ اختیار نہیں ہے۔‘‘ انہوں نے مزید کہاکہ امن و امان ریاست کا معاملہ ہے۔ عام طور پر ریاستی پولیس کسی بھی واقعے کی تحقیقات کرتی ہے۔ بہت کم معاملات میں دیگر ایجنسیوں کو تفتیش سونپی جاتی ہے۔ اس معاملے میں ریاست کو موقع نہیں دیا گیا۔ اس لیے ای ڈی کی عرضی پر بالکل بھی غور نہیں کیا جانا چاہیے۔‘‘ای ڈی کے وکیل نے عدالت سے کہا کہ “وقت کم تھا۔ تفتیش نازک مرحلے پر ہے۔ اس صورت حال میں شواہد ضائع ہو سکتے ہیں۔ اس کی وجہ سے بھرتیوں میں بدعنوانی کی تحقیقات میں یہ معلومات سامنے آئی اور عدالت میں یہ معاملہ سامنے آگیا۔ گرفتار آیان شیل سے پوچھ گچھ کے بعد معلوم ہوا کہ مختلف دفاتر میں تقرریوں میں کرپشن ہوئی ہے۔ میونسپلٹی کے کاغذات برآمد ہوئے ہیں۔ سی بی آئی اصل معاملے کی تحقیقات کر رہی ہے، اس لیے اس معاملے میں بھی عرضی دائرکردی گئی ۔ سی بی آئی کے وکیل نے کہاکہ ’’جج گنگوپادھیائے کے نئے نظرثانی کے حکم کا مطلب ہے کہ اس کیس کو نئے سرے سے شروع کیا جائے۔ ایف آئی آر پہلے ہی درج ہو چکی ہے۔ ریاست کی نظرثانی کی درخواست پر غور نہیں کیا جانا چاہیے۔ سرکاری ملازمین پر کرپشن میں ملوث ہونے کا الزام ہے۔ تو وہاں سی بی آئی کی جانچ میں مشکل کہاں ہے؟