علی پور جیل میں ممتا بنرجی نے میوزیم کا افتتاح کیا

کلکتہ،ستمبر۔وزیر اعلیٰ ممتا بنرجی نے علی پور جیل میں علی پور میوزیم کا افتتاح کرتے ہوئے کہا کہ جلد ہی اس کے دروازے عام لوگوں کے لیے کھول دیے جائیں گے۔ افتتاح کرتے ہوئے وزیر اعلیٰ نے کہاکہ علی پور میوزیم ایک ہیریٹیج ہے۔ ہم نے جیل کو جدید بنایا ہے۔ ہم نے قومی ورثے کو محفوظ کیا ہے۔ مجاہدین آزادی کے قدموں کے نشان اس جیل میںموجود ہیں۔ وزیر اعلیٰ نے کہا کہ اگر بنگال میں تحریک آزادی کا احیا نہیں ہوتا تو آج ملک آزاد نہیں ہوتا ۔وزیر اعلیٰ نے کہا کہ نیتا جی سبھاش چندر بوس، چترنجن داس، بِدھان چندر رائے آزادی کے لیے لڑنے والوں میں شامل ہیں۔ وہ جن سیلوں میں رہتے تھے، وہ محفوظ ہیں۔ علی پور جیل کا پھانسی گھاٹ کی ایک تاریخ ہے۔ہم نے پرانی بوسیدہ مشینوں کے تحفظ، تجدید اور سہولت کے لیے فوڈ کیوسک لگائے گئے ہیں ۔وزیرا علیٰ نے کہا کہ ہماری حکومت عالمی ثقافتی ورثہ کو محفوظ بنانے کی کےلے اقدامات کررہی ہے۔علی پور جیل میں بند رہنے والوں میں جواہر لال نہرو، جتیندرموہن سین گپتا شامل ہیں۔ علی پور جیل میں کئی آزادی کے رہنمائوں کو پھانسی سے ہوئی۔ ان کے سیل کو پہلے ہی ہیریٹیج قرار دیا جا چکا ہے۔ اب عام لوگ اس تاریخی مقامات کا دورہ کرکے آزادی کے ہیرو کی قربانیوں کو محسوس کریں گے۔