سپریم کورٹ میں مالیا کی سزا پر سماعت جمعرات تک ملتوی
نئی دہلی، مارچ۔سپریم کورٹ نے بدھ کو کہا کہ توہین عدالت کے قصوروار فرار شراب کے کاروباری وجے مالیا کی سزا طے کرنے کے معاملے میں جمعرات کو سماعت کی جائے گی۔جسٹس یو یو للت کی صدارت والی بنچ نے رفیق عدالت جے دیپ گپتا کی سماعت کل تک کے لیے ملتوی کر دی گئی۔ گزشتہ سماعت کے دوران سپریم کورٹ نے مالیا کو عدالت میں حاضر ہونے کا آخری موقع دیا تھا۔گزشتہ سماعتوں کے دوران مالیا کے پیش پر ناراضگی کا اظہار کرتے ہوئے سپریم کورٹ نے کہا تھا کہ توہین عدالت کے (مالیا) کیس میں صرف سزا کی سماعت ہی چار سال سے زیر التوا ہے۔ اسے 2017 میں قصوروار قرار دیا گیا تھا اور تب سے یہ مقدمہ زیر التوا ہے۔سپریم کورٹ سے مرکزی حکومت کو بار بار حکم دینے کے باوجود مجرم کے پیش نہ ہونے پر برہمی کا اظہار کرتے ہوئے، بنچ نے 30 نومبر کو کہا تھا ’’ہم مزید انتظار نہیں کر سکتے۔ یہ مالیا پر منحصر ہے کہ وہ خود یا کسی وکیل کے ذریعے توہین کے کیس میں سزا طے کرنے پر اپنا موقف رکھتے ہیں۔سپریم کورٹ نے 14 جولائی 2017 کو مالیا کو مجرم قرار دیا تھا۔ مالیا کو اپنے بچوں کے بینک کھاتوں میں 40 ملین امریکی ڈالر کی منتقلی کا انکشاف نہ کرنے کا قصوروار پایا گیا تھا۔ بینکوں پر 9000 کروڑ روپے سے زیادہ کی واجبات سے متعلق مختلف معاملات میں اسے عدالتی حکم کے بغیر اپنے بینک اکاؤنٹ میں لین دین کرنے سے روک دیا گیا تھا۔توہین عدالت کا مجرم ٹھہرائے جانے کے بعد مالیا نے اگست 2020 میں ریویو پٹیشن داخل کی تھی جسے خارج کر دیا گیا تھا۔سپریم کورٹ نے مرکزی وزارت داخلہ کو حکم دیا تھا کہ مالیا کو توہین عدالت کے اس کیس میں پیش کرے، لیکن حکومت کی طرف سے کہا گیا کہ برطانیہ کی کچھ قانونی پیچیدگیوں کی وجہ سے ان کی حوالگی میں رکاوٹ پیدا ہو رہی ہے۔ عدالت کے اس حکم کے بعد کئی مواقع ملے لیکن مالیا کو پیش نہیں کیا جا سکا۔واضح رہے کہ وجے مالیا کے خلاف اسٹیٹ بینک سمیت کئی بڑے بینکوں سے 9000 کروڑ روپے کا قرض لے کر انہیں واپس نہ کرنے کے کئی الزامات ہیں، 65 سالہ تاجر اس وقت لندن میں مقیم ہیں۔ وہاں کی عدالت نے اسے ضمانت دے دی ہے۔ برطانیہ کی سپریم کورٹ نے مفرور تاجر کی حوالگی کا حکم دیا تھا۔ایک سماعت کے دوران سالیسٹر جنرل نے کہا تھا کہ وزارت خارجہ نے برطانیہ کے ساتھ حوالگی کا معاملہ اٹھایا تھا لیکن برطانیہ میں شراب کے تاجر کے خلاف خفیہ کارروائی کا حوالہ دیتے ہوئے اس کی حوالگی کی کارروائی پر عمل نہیں کیا جا سکا۔
