سونی رازدان نے عالیہ بھٹ کیلئے نظم لکھ دی

ممبئی،مارچ۔بالی ووڈ کی معروف اداکارہ عالیہ بھٹ کی والدہ سونی رازدان نے بیٹی کو سالگرہ کی مبارکباد دینے کے لیے نظم لکھ دی۔ سونی رازدان نے فوٹو اینڈ ویڈیو شیئرنگ ایپ انسٹاگرام پر بیٹی، اداکارہ عالیہ بھٹ کی بچپن کی ایک یاد گار تصویر شیئر کی ہے۔اْنہوں نے اپنی پیاری بیٹی عالیہ کو سالگرہ پر مبارکباد دیتے ہوئے لکھا ’عالیہ کا مطلب ہے (بلند) اور وہ آپ یقیناً ہیں‘۔اْنہوں نے مزید لکھا کہ’اس حقیقت کیعلاوہ کہ آج آپ ایک اسٹار ہیں، جب ہم نے آپ کا یہ نام رکھا تو ہمیں اندازہ نہیں تھا کہ آپ کے نام کا یہ مطلب تھا، اور یہ سچ بھی ہو سکتا ہے‘۔اْنہوں نے لکھا کہ’ہم آپ کے بارے میں صرف یہ جانتے تھے کہ آپ بہت پیاری ہیں‘۔
اور پھر آپ بڑی ہو کر ایک خوبصورت انسان بن گئیں
جیسا کہ آپ جاننا چاہتی تھیں کہ کیا صحیح اور کیا غلط ہے
اور زندگی کو ایک گانے کی صورت میں کیسے پیش کیا جاسکتاہے
خوبصورتی اور محبت کا گانا، احساسات سے بھرپور
آپ کی زندگی کے بارے میں ایک چیز یقینی ہے اور وہ ہے شیئرنگ
آپ کی سالگرہ پر میں آ کے بہت سارا پیار
تمام زمین اور اوپر آسمانوں سے
ہمیشہ یاد رکھیں کہ ایک بات سچ ہے
اور وہ یہ ہے کہ آپ جیسی ہیں ویسے ہی بالکل پرفیکٹ ہیں
آپ خاص ہیں، آپ شاندار ہیں
آپ سپر اور لاجواب ہیں
آپ انتہائی نازک ہیں
اپنی پوسٹ کے اختتام پر سونی رازدان نے عالیہ بھٹ کوسالگرہ کو مبارکباد دیتے ہوئے لکھا کہ’ان کی عزیز ترین بیٹی کو سالگرہ مبارک ہو‘۔