سدھارتھ اور کیارا کی شادی کے ہوٹل کا ایک رات کا کرایہ کتنا ہے؟

ممبئی،فروری۔بالی وڈ اداکار سدھارتھ ملہوترا اور اداکارہ کیارا ایڈوانی جیسلمیر کی عالیشان حویلی ’ سوریا گڑھ پیلس ‘ میں 6 فروری کو شادی کے بندھن میں بندھ جائیں گے۔میڈیا کے مطابق سوریا گڑھ پیلس صحرائے تھر میں واقع ہے جہاں حویلی میں موجود خوبصورت گارڈن، تالاب اور شاہی انداز میں تیار کیے گئے کمرے خواب ناک منظر پیش کرتے ہیں، یہ حویلی میں 83 کمروں ، دو گارڈن اور صحن پر مشتمل ہے۔ہفتے کے عام دنوں میں حویلی کے فورٹ روم کے ایک کمرے کا سستا ترین کرایہ 23 ہزار روپے جب کہ ویک اینڈ پر ان کمروں کا ایک رات کا کرایہ 36 ہزار روپے ہے۔دوسری جانب اس حویلی کے مہنگے ترین کمروں کے ایک رات کا کرایہ 76 روپے ہے۔ میڈیا کے مطابق سرھارتھ اور کیارا کی شادی سوریا گڑھ پیلس میں 4 سے 6 فروری کے درمیان منعقد کی جائے گی، تاہم بالی وڈ جوڑی کی شادی کیلئے حویلی کی بکنگ 4 سے 11 فروری تک بکنگ ہوچکی ہے جس سے اندازہ لگایا جاسکتا ہے کہ شادی میں شریک مہمانوں کاشادی کے بعد بھی کئی دن تک حویلی میں قیام کا ارادہ ہے۔