جیون مشن گھپلہ: ای ڈی نے ایم شیوشنکر کو گرفتار کیا

کوچی، فروری۔ کیرالہ کے وزیر اعلیٰ پنارائی وجین کے سابق پرنسپل سکریٹری اور انڈین ایڈمنسٹریٹو سروس (آئی اے ایس) کے ریٹائرڈ افسر ایم سیوا شنکر کو ریاستی حکومت کے جیون مشن پروجیکٹ گھپلے کے سلسلے میں انفورسمنٹ ڈائریکٹوریٹ (ای ڈی) نے گرفتار کیا ہے۔جیون مشن پروجیکٹ کا مقصد ان غریبوں کو مکانات فراہم کرنا تھا جنہوں نے 2018 کے سیلاب میں اپنے مکانات کھو دیے تھے۔جمعہ، پیر اور منگل کو شیوشنکر سے پوچھ گچھ کرنے والے ای ڈی کے افسران نے منگل کی رات 11:45 بجے ان کی گرفتاری درج کی۔ طبی معائنے کے بعد انہیں بدھ کی صبح ایرناکلم پرنسپل سیشن کورٹ میں پیش کیا جائے گا۔اس کے ساتھ ہی شیوشنکر کو مختلف مرکزی ایجنسیوں نے بدعنوانی کے معاملات میں چار مرتبہ گرفتار کیا ہے۔ انہیں اس بار سونے کی اسمگلنگ کیس کے ملزم سوپنا سریش، سریتھ پی ایس اور سندیپ نائر کے بیانات کے بعد گرفتار کیا گیا ہے۔تفتیشی افسران نے اس گھپلے کے سلسلے میں یونٹیک کے منیجنگ ڈائریکٹر سنتوش ایپن اور اس وقت کے لائف مشن کے سی ای او یووی جوس کے بیانات بھی ریکارڈ کیے ہیں۔یونٹیک کے منیجنگ ڈائریکٹر سنتوش نے الزام لگایا کہ اس معاملے میں جواب دہندہ نے پروجیکٹ کے لیے 4.48 کروڑ روپے کی رشوت لی تھی ۔