بگ باس سیزن 16 کے فاتح نے ثانیہ مرزا کے بھیجے تحفے پر کیا کہا؟
ممبئی،اپریل۔مشہور ریپر اور بھارت کے رئیلٹی شو بگ باس سیزن 16 کے فاتح ایم سی اسٹین ( stan Mc ) اور سابق ٹینس اسٹار ثانیہ مرزا اب کافی اچھے دوست بن گئے ہیں۔میڈیا کے مطابق بگ باس سیزن 16 کے اختتام کے بعد فلمساز فرح خان کی جانب سے کی گئی ایک پارٹی میں ان دونوں کی ملاقات ہوئی تھی۔میڈیا کے مطابق ثانیہ مرزا نے ایم سی اسٹین کو جوتے تحفے میں بھیجے جن کی قیمت 91 ہزار روپے بتائی جارہی ہے۔رپورٹس کے مطابق ثانیہ مرزا نے حال ہی میں ایم سی اسٹین کو ایک چشمہ بھی تحفے میں دیا جس کی مالیت 30 ہزار روپے بتائی گئی ہے۔رپورٹس کے مطابق ایم سی اسٹین نے حال ہی میں ثانیہ مرزا کے الوداعی میچ میں پرفارم بھی کیا تھا اور وہ انہیں ’آپا‘ کہتے ہیں۔ایم سی اسٹین نے ثانیہ مرزا کے دیے تحفے کی تصویر شیئر کرتے ہوئے ان کا شکریہ بھی ادا کیا۔
