’باہوبلی‘ کے ہیروپربھاس زخمی، فلموں کی شوٹنگ نہیں کرسکیں گے

ممبئی،اپریل۔ فلم ’باہو بلی‘ کے ہیرو پربھاس گھٹنا زخمی ہونے کے باعث 3 ماہ کے لئے فلم نگری سے دوررہیں گے۔’باہو بلی‘ سے شہرت کی بلندیوں کوچھونے والے ہیرو پربھاس کا گھٹنا ایک فلم کی شوٹنگ کے دوران زخمی ہوگیا۔ ابتدا میں زخم کی نوعیت معمولی بتائی گئی تھی تاہم اب اس بارے میں نئی تفصیلات سامنے آئی ہیں۔میڈیا کی رپورٹس کا کہنا ہے کہ پربھاس کے گھٹنے کا آپریشن ہوگا جس کی وجہ سے وہ 3ماہ تک فلموں کی شوٹنگ میں حصہ نہیں لے سکیں گے۔ڈاکٹروں نے پربھاس کومکمل صحت یابی تک بیڈ ریسٹ کی ہدایت کی ہے۔ پربھاس کے زخمی ہونے کے باعث متعدد فلموں کی شوٹنگ تاخیر کا شکارہوگی۔