بابر مشوروں کو نہیں سنتا: کراچی کنگز کے سابق کوچ ہرشل گبز کا انکشاف

کراچی،ستمبر۔پاکستان سپر لیگ (پی ایس ایل) ٹیم کراچی کنگز کے سابق کوچ ہرشل گبز نے بابر اعظم کی بیٹنگ پر تبصرہ کیا ہے۔ہرشل گبز کا کہنا ہے کہ اگر بابر اعظم اپنے انداز میں اٹیکنگ آپشن کو شامل کرلیں تو اسٹرائیک ریٹ بہتر ہوسکتا۔ٹوئٹر پر ایک مداح نے گبز سے سوال کیا کہ ’کیا آپ نے کراچی کنگز کی کوچنگ کے دوران بابر کے ساتھ اس مسئلے پر کام کیا؟‘اس پر گبز نے جواب دیا کہ بابر اپنی دنیا میں رہتا ہے، بیٹنگ پر دوسروں کے مشوروں کو زیادہ نہیں سنتا۔خیال رہے کہ ایشیا کپ ٹی ٹوئنٹی ٹورنامنٹ میں پاکستانی کرکٹ ٹیم کے کپتان بابر اعظم آؤٹ آف فارم نظر آئے۔ فائنل میں سری لنکا نے پاکستان کو شکست دے کر ٹائٹل اپنے نام کیا۔