ارجن کپور،تبو اور نصیر الدین شاہ کی آنے والی نئی فلم "کتے ” کا ٹریلر جاری

ممبئی،دسمبر۔ بالی ووڈ کے معروف اداکار ارجن کپور ، نصیر الدین شاہ اور اداکارہ تبو کی آنے والی نئی فلم ” کتے” کا ٹریلر جاری کر دیا گیا ہے۔ فلم اگلے سال 13 جنوری کو ریلیز کی جائے گی۔این ڈی ٹی وی نیوز کے مطابق ارجن کپور کی فلم "کتے” کا ٹریلر آج ریلیز کر دیا گیا ہے۔ آسمان بھردواج کی ہدایتکاری میں بننے والی اس ڈارک کامیڈی فلم میں نصیر الدین شاہ، تبو، کونکنا سین شرما، ارجن کپور، رادھیکا مدن اور کمود مشرا بھی اہم کردار ادا کر رہے ہیں۔ارجن کپور نے فلم کا ٹریلر انسٹاگرام پر شیئر کیا ہے۔ ویڈیو کا آغاز ارجن کپور، تبو اور دیگر کے ساتھ ہوتا ہے جو جنگل میں کھڑے ارجن کپور کی طرف بندوق تانے کھڑے ہیں۔ کہانی تین گینگز کے گرد گھومتی ہے جو پیسے کا شکار کرتے ہوئے راستہ عبور کرتے ہیں، سب کا ایک ہی منصوبہ ہے لیکن کس کا منصوبہ کامیاب ہوگا،یہ ایک سوالیہ نشان ہے۔ ٹریلر کو شیئر کرتے ہوئے ارجن کپور نیکیپشن میں لکھا”ہٹو کمینو! کتے آ گئے!!”.جھانوی کپور نے بھی ٹریلر پر ردعمل کا اظہارکرتے ہوئے کمنٹ سیکشن میں فائر اور کلپ ایموجیز چھوڑ ی۔میڈیا رپورٹس کے مطابق ٹریلر لانچ کے موقع پر بات کرتے ہوئے ارجن کپور کا کہناتھا کہ ” اس فلم نے مجھے صبر کرنا سیکھایا۔یہ ایک بڑا امتحان تھا۔مجھے رات کی شوٹنگ پسند ہے لیکن "کتے "کے سیٹ پر رات کی شوٹنگ نے مجھے تھکا دیا تھا۔ رات کو سردی تھی اور یہ میرے لیے سب سے بڑی چیز تھی”.چند روز قبل ارجن کپور نے مداحوں کو پر جوش کرنے کیلئے کرداروں کے پوسٹر بھی شیئر کئے تھے۔جبکہ ایک ویڈیو کلپ بھی شیئر کیا تھا جس کے کیپشن میں انہوں نے لکھا کہ "ہڈی ایک اور کتے ساتھ”۔ "کتے "فلم کے اس ڈائیلاگ نے مداحوں میں ہل چل مچا دی تھی، مداح اس فلم کا بے صبری سے انتظار کر رہے ہیں۔واضح رہے کہ یہ فلم 13 جنوری 2023 کو سینما گھروں میں ریلیز کی جائے گی۔