ٹام کروز نے اداکارہ ایٹ ویل سے بھی راہیں جدا کرلیں

نیویارک،ستمبر۔ مشن امپوسبل کے ہیرو ٹام کروز کی ساتھی اداکارہ ہیلے ایٹ ویل (Atwell Hayley ) سے علیحدگی ہوگئی۔ایٹ ویل نے مشن امپوسبل سیون میں ٹام کروز کی ساتھی اداکارہ کا کردار نبھایا تھا۔امریکی میڈیا کے مطابق ٹام کروز اور ہیلے ایٹ ویل پہلے دن سے ہی ایک ہو گئے تھے مگر اچانک ایک دوسرے سے علیحدہ ہو گئے، دونوں اداکاروں نے ایک دوسرے سے دوستی برقرار رکھنیکا وعدہ کیا ہے۔خیال رہے کہ ٹام کروز اور ان کی اہلیہ کیٹی ہومز کے درمیان 2012 میں علیحدگی ہوئی تھی جبکہ ہیلے ایٹ ویل نے 2020 میں اپنے سابق ڈاکٹر دوست سے راہیں جدا کی تھیں۔