ایشین گیمز: دیپانشی خواتین کی 50 کلوگرام فری اسٹائل کشتی میں کانسہ کے تمغے سے محروم

آیچی ناگویا، ۔ ایشیائی کھیلوں میں خواتین کی 50 کلوگرام فری اسٹائل کشتی کے کانسہ کے تمغے کے میچ میں ہندوستان کی دیپانشی قازقستان کی زینپ بایانووا سے 11-4 سے ہار گئی۔ اس شکست کے ساتھ دیپانشی کی ایشین گیمز کی مہم کانسہ کے تمغے کے بغیر ختم ہو گئی۔مقابلے کا آغاز دونوں پہلوانوں نے سنبھل کرکی۔ اس کے بعد دیپانشی نے بایانووا کومیٹ پر گرا کر 2 پوائنٹس حاصل کیا۔ قازقستان نے فوری طور پر پیچھے ہٹتے ہوئے ہندوستانی کھلاڑی کو پیٹ کے بل پر گراکر 2 پوائنٹس حاصل کرلیے۔ اس کے بعد دیپانشی کو بہت دیر تک میٹ پر نیچے رہنے پر یلو کارڈ دکھایا گیا۔ اس کا فائدہ اٹھاتے ہوئے، بایانووا نے دیپانشی کو الٹ کر مزید 2 پوائنٹس حاصل کیے اور اپنی برتری بڑھا دی۔ اس دوران دیپانشی کو طبی مدد بھی لینا پڑی جس کے بعد لڑائی دوبارہ شروع ہوئی۔بایانووا نے دیپانشی کو 1 اور پوائنٹ حاصل کرنے کے لیے میٹ سے باہر دھکیل دیا۔ دیپانشی نے پھر فرق کو 7-4 تک کم کرنے کے لیے 2 نکاتی اقدام کیا اور واپسی کرنے کی کوشش کی۔ تاہم، بایانووا نے فیصلہ کن 4 نکاتی اقدام کرتے ہوئے اسے 4-11 تک پہنچاکرکانسہ کا تمغہ جیت لیا۔اس سے قبل ہندوستان کے سوجیت کلکل نے مردوں کے 65 کلوگرام فری اسٹائل کشتی میں تاجکستان کے عبدالماجد کدیئیف کو شکست دے کر طلائی تمغہ جیتا تھا۔ سوجیت مقابلے میں ایک موقع پر 2-9 سے پیچھے تھا، لیکن جیتنے کے لیے آخری 1 منٹ اور 40 سیکنڈ میں ٹیک ڈاؤن کی سیریز کے ساتھ شاندار واپسی کی۔ انہوں نے مقابلہ ختم ہونے سے 11 سیکنڈ پہلے گولڈ میڈل حاصل کیا۔
سوجیت کا طلائی تمغہ 2018 کے جکارتہ-پالمبانگ ایشیائی کھیلوں کے بعد کشتی میں ہندوستان کا پہلا مردوں کا طلائی تمغہ ہے۔ 2018 میں بجرنگ پونیا اور ونیش فوگاٹ نے ہندوستان کے لیے کشتی میں سونے کے تمغے جیتے تھے۔