کانگریس نے ناگالینڈ اسمبلی انتخابات کے لیے 21 امیدواروں کا اعلان کیا

نئی دہلی، فروری ۔ کانگریس نے ہفتہ کو ناگالینڈ اسمبلی انتخابات کے لئے 21 امیدواروں کی پہلی فہرست جاری کی۔امیدواروں کی فہرست جاری کرتے ہوئے کانگریس کے جنرل سکریٹری انچارج مکل واسنک نے کہا کہ پارٹی کی مرکزی الیکشن کمیٹی نے ان امیدواروں کا انتخاب کیا ہے۔ پارٹی کے نمایاں امیدواروں میں کے تھیری، ایس ایمنٹو چشی، وی لاسوہ، ایس کے سنگتم، ٹی تھامس کونیاک اور روزی تھامسن شامل ہیں۔بی جے پی نے نیفیو ریو کی قیادت والی نیشنلسٹ ڈیموکریٹک پروگریسو پارٹی کے ساتھ اتحاد جاری رکھنے اور بالترتیب 20 اور 40 سیٹوں پر مقابلہ کرنے کا فیصلہ کیا ہے۔ اس نے پہلے ہی اپنے امیدواروں کا اعلان کر دیا ہے۔اہم بات یہ ہے کہ 60 رکنی ناگالینڈ اسمبلی کے انتخابات 27 فروری کو ایک ہی مرحلے میں ہوں گے۔ ووٹوں کی گنتی 2 مارچ کو ہوگی۔