غیر ملکی حکومتیں سرمایہ کاری کے لیے پہنچ رہی ہیں:اڈانی

نئی دہلی، جولائی۔ کاروباری گروپ کی کامیابی کو دنیا بھر میں پہچانے جانے کے ساتھ ہی، اڈانی گروپ کے چیئرمین گوتم اڈانی نے منگل کو کہا کہ بہت سی غیر ملکی حکومتیں اب اپنے جغرافیائی علاقوں میں کام کر نے اور بنیادی ڈھانچے کی تعمیر میں مدد کے لیےکمپنی سے رابطہ کر رہی ہیں۔سالانہ جنرل میٹنگ(اے جی ایم) 2022 میںشیئر ہولڈس سے خطاب کرتے ہوئے، مسٹر اڈانی نے کہا، اس سال ہمارے گروپ کی مارکیٹ کیپٹلائزیشن $200 بلین سے تجاوز کر گئی ہے۔”ہم بین الاقوامی منڈیوں سے اربوں ڈالر اکٹھا کرنے میں کامیاب رہے۔ یہ ہندوستان اور اڈانی کی ترقی کی کہانی میں ہمارے اعتماد کی براہ راست تصدیق ہے۔مسٹر اڈانی نے کہا کہ اس گروپ کے پاس عالمی قابل تجدید توانائی کا ایک سرکردہ پورٹ فولیو ہے اور گزشتہ 12 مہینوں میں دیگر کئی صنعتوں میں بھی ضروری پیش رفت ہوئی ہے۔انہوں نے کہاکہ ایک ہی لمحے میں، ہم ملک کے سب سے بڑے ہوائی اڈے کے آپریٹر بن گئے ہیں۔ ہم جن ہوائی اڈوں پر کام کرتے ہیں ان کے ارد گرد ایروٹروپولس اور مقامی کمیونٹی پر مبنی اقتصادی مراکز تیار کرنے سے متعلق کاروبار میں مصروف ہیں۔