کونسی 2 ٹیمیں پی ایس ایل کا فائنل کھیلیں گی؟ انضمام کی ایک اور پیشگوئی

لاہورفروری۔پاکستانی ٹیم کے سابق چیف سلیکٹر انضمام الحق نے ایک بار پھر پی ایس ایل کی فائنلسٹ ٹیموں سے متعلق پیشگوئی کی ہے۔جیو نیوز کے پروگرام ‘جشنِ کرکٹ’ میں گفتگو کرتے ہوئے انضمام الحق نے کہا کہ میں ملتان سلطانز اور پشاور زلمی کی ٹیموں کو فائنل میں دیکھتا ہوں، ویسے تو دونوں ہی ٹیمیں میری ہیں لیکن مجھے لگتا ہے کہ یہ ہی دونوں پی ایس ایل کے ساتویں ایڈیشن کا فائنل کھیلیں گی۔اس سے قبل بھی انضمام الحق نے کراچی کنگز کی پہلے میچ میں شکست کے بعد پیشگوئی کی تھی کہ کراچی اس کے بعد اب اٹھ نہیں سکے گا جو کہ بالکل درست ثابت ہوئی۔اس کے علاوہ انہوں نے حارث والے معاملے پر بھی بات کی اور کہا کہ ان کے چہرے کے تاثرات سے بالکل نہیں لگ رہا تھا کہ وہ مذاق کررہے ہیں لیکن کامران غلام کا ردعمل قابلِ تعریف تھا جو انہوں نے گراؤنڈ میں حارث کی اس حرکت کو کور کیا۔