نوین نے اوڈیشہ یونیورسٹی آف ہیلتھ سائنسز کے قیام کا اعلان کیا

بھونیشور، مارچ ۔ اڈیشہ کے وزیر اعلی نوین پٹنائک نے اتوار کو سابق وزیر اعلی آنجہانی بیجو پٹنائک کی 107 ویں یوم پیدائش کے موقع پر بھونیشور میں اوڈیشہ یونیورسٹی آف ہیلتھ سائنسز کے قیام کا اعلان کیا۔اوڈیشہ یونیورسٹی آف ہیلتھ سائنسز، بھونیشور میں تمام میڈیکل اور ہیلتھ سائنس کالج اور ادارے تعلیمی سیشن 2023-24 سے منسلک ہوں گے۔تعلیمی سیشن 2023-24 سے تمام کالجز ہیلتھ سائنسز میں انڈرگریجویٹ اور پوسٹ گریجویٹ کورسز چلائیں گے جن میں جدید میڈیکل سائنس، آیوروید، ہومیوپیتھی، نرسنگ، فارمیسی، فزیو تھراپی اور دیگر ہیلتھ سائنس کورسز شامل ہیں۔اوڈیشہ حکومت نے ریاست میں طبی تعلیم کے نظام کو ہموار کرنے کے لیے ایک ہیلتھ یونیورسٹی قائم کرنے کا فیصلہ کیا تھا کیونکہ ریاست میں بہت سے طبی ادارے کھل رہے ہیں۔اوڈیشہ یونیورسٹی آف ہیلتھ سائنسز، بھونیشور ایکٹ اکتوبر 2021 میں اوڈیشہ قانون ساز اسمبلی میں منظور کیا گیا تھا اور ریاستی حکومت نے 14 اگست 2022 کو اسے نوٹیفائڈ کیا تھا۔ذرائع کے مطابق ہیلتھ یونیورسٹی کے قیام سے اڈیشہ میں طبی تعلیم، مریضوں کی دیکھ بھال اور تحقیق کے معیار کو فروغ ملے گا۔