نتیش کمار نے قانون ساز کونسل کے انتخابات کی تیاریوں کا جائزہ لیا

پٹنہ، جنتا دل یونائیٹڈ (جے ڈی یو) کے قومی صدر اور بہار کے سابق وزیر اعلیٰ نتیش کمار نے جمعرات کی صبح پارٹی دفتر پہنچ کر قانون ساز کونسل کی 8 نشستوں کے لیے گریجویٹ اور اساتذہ کے انتخابی حلقوں میں ہو رہے انتخابات کی تفصیلی جائزہ میٹنگ کی۔ انہوں نے انتخابات کی نگرانی کرنے والی ٹیم اور پارٹی عہدیداروں سے تیاریوں کے بارے میں معلومات حاصل کیں اور اہم ہدایات دیں۔ مسٹر کمار نے دفتر میں موجود کارکنوں سے بھی ملاقات کی۔ ملاقات کے بعد انہوں نے پارٹی دفتر کی مختلف عمارتوں کا معائنہ کیا اور پہلے دی گئی ہدایات پر عمل درآمد کے بارے میں بھی معلومات حاصل کیں۔
اس موقع پر مسٹر کمار نے قانون ساز کونسل میں حکمراں جماعت کے نائب رہنما للن کمار صراف سے تنظیمی امور کے بارے میں معلومات حاصل کیں۔ اس کے علاوہ انہوں نے قومی انتخابی عہدیدار اور سابق رکن پارلیمنٹ انیل پرساد ہیگڑے کے ساتھ انتخابی مہم کے سلسلے میں ضروری تبادلہ خیال کیا اور اہم ہدایات دیں۔ انہوں نے اعتماد ظاہر کیا کہ تمام 8 نشستوں پر قومی جمہوری اتحاد (این ڈی اے) کے امیدوار کامیاب ہوں گے۔پارٹی دفتر پہنچنے سے پہلے نتیش کمار نے اپنی رہائش گاہ کے دفتر، 7 سرکلر روڈ پر پارٹی کے ریاستی صدر امیش سنگھ کشواہا، قانون ساز کونسل میں حکمراں جماعت کے نائب رہنما اور رکن کونسل للن کمار صراف اور چیف وہپ سنجے کمار سنگھ عرف گاندھی جی کے ساتھ قانون ساز کونسل کے انتخابات کی تیاریوں پر تفصیلی تبادلہ خیال کیا اور تمام نشستوں کی تازہ ترین صورت حال کی معلومات حاصل کیں۔