نتیش نے انجمن اسلامیہ ہال میں منعقد دعوت افطار میں شرکت کی
پٹنہ، ،اپریل۔ وزیر اعلیٰ نتیش کمار نے آج انجمن اسلامیہ ہال میں منعقد دعوت افطار میں شرکت کی۔ دعوت افطار کی میزبانی مشترکہ طور پر وزیر صنعت سید شاہنواز حسین، بی جے پی ممبرپارلیمنٹ سشیل کمار مودی اور ممبر اسمبلی ارون کمار سنہا نے کی۔وزیر اعلیٰ کا گلدستہ، ٹوپی اوردستارپیش کر کے استقبال کیا گیا۔افطار کے بعد نماز ادا کی گئی۔ وزیر اعلیٰ سمیت تمام روزہ داروں نے دعوت افطار میں ریاست، سماج اور ملک میں امن و امن اور بھائی چارے کی فضا برقرار رکھنے کے لیے دعا کی۔ اس موقع پر بہار قانون ساز کونسل کے ایگزیکٹو چیئرمین اودھیش نارائن سنگھ، وزیر تعلیم وجے کمار چودھری، وزیر صنعت سید شاہنواز حسین، آبی وسائل کے وزیر سنجے کمار جھا، گنا صنعت و قانون کے وزیر پرمود کمار، سڑک تعمیر کے وزیر نتن نوین، شراب بندی، آبکاری اور رجسٹریشن کے وزیر سنیل کمار، بی جے پی ایم پی سشیل کمار مودی، بی جے پی کے ریاستی صدر اور ممبرپارلیمنٹ سنجے جیسوال، ممبرپارلیمنٹ روی شنکر پرساد، ایم پی رام کرپال یادو، ایم پی وویک ٹھاکر، ممبراسمبلی ارون کمار سنہا، میئر پٹنہ میونسپل کارپوریشن محترمہ سیتا ساہو، چیف سکریٹری عامرسبحانی، چیئرمین سنی وقف بورڈ محمد ارشاد اللہ، ڈاکٹراحمد عبدالحئی اور دیگر معززین اور روزدار موجود تھے۔
