نائب صدر کمبوڈیا کے لیے روانہ

نئی دہلی، نومبر۔نائب صدر جمہوریہ ہند جگدیپ دھنکھڑ ہند-آسیان چوٹی کانفرنس اور مشرقی ایشیا چوٹی کانفرنس میں شرکت کے لئے جمعہ کی صبح کمبوڈیا روانہ ہو گئے۔نائب صدر کا عہدہ سنبھالنے کے بعد مسٹر دھنکھر کا یہ پہلا غیر ملکی دورہ ہے۔ اس سفر میں ان کی اہلیہ سدیش دھنکھر بھی ان کے ساتھ ہیں۔نائب صدر کے سکریٹریٹ سے جاری کئے گئے ایک ٹویٹ میں، مسٹر دھنکھڑ نے کہا’’ہندستان کی ’ایکٹ ایسٹ‘ پالیسی کو مضبوط بنانے کے لیے ہند-آسیان یادگاری سمٹ اور 17ویں مشرقی ایشیا چوٹی کانفرنس میں شرکت کے لیے کمبوڈیا کے نوم پنہ روانہ ہو رہے ہیں‘‘۔تین روزہ دورے کے دوران مسٹر دھنکھڑ دونوں کانفرنسوں میں شرکت کریں گے اور کمبوڈیا کی اعلیٰ قیادت کے ساتھ دو طرفہ بات چیت کریں گے۔ اس دوران مسٹر دھنکھڑ مختلف ممالک کے لیڈروں سے ملاقاتیں بھی کریں گے۔ یاترا میں مسٹر دھنکھڑ کے ساتھ وزیر خارجہ ایس جے شنکر بھی موجود ہوں گے۔