مرکزی وزیر کے ایم ایل اے بیٹے نے سپریم کورٹ سے ضمانت کی درخواست کی

نئی دہلی، جنوری ۔ مرکزی وزیر اور بھارتیہ جنتا پارٹی کے رہنما نارائن رانے کے ایم ایل اے بیٹے نتیش رانے نے مہاراشٹر میں قتل کی مبینہ کوشش کے ایک مقدمے میں ضمانت کے لیے منگل کو سپریم کورٹ سے رجوع کیا۔چیف جسٹس این۔ وی رمن اور جسٹس اے۔ ایس بوپنا اور جسٹس ہیما کوہلی کی بنچ کے سامنے سینئر ایڈوکیٹ مکل روہتگی کی خصوصی تذکرہ کے نتیش رانے کی درخواست پر سماعت کی درخواست کی، جسے قبول کرلیا گیا، تاہم عدالت نے سماعت کے لیے فوری کوئی مقررہ تاریخ نہیں دی۔سابق اٹارنی جنرل مسٹر روہتگی نے درخواست گزار کاموقف بیان کرتے ہوئے بنچ کے سامنے کہاتھا کہ ان کے موکل کو سیاسی دشمنی کی وجہ سے مقدمے میں پھنسایا جا رہا ہے۔مہاراشٹر کے کنکاولی سے ریاست کے مرکزی اپوزیشن بی جے پی کے ایم ایل اے نتیش رانے نےاس سے پہلے بمبئی ہائی کورٹ میں اپنی پیشگی ضمانت کی درخواست کی تھی، جہاں ان کی درخواست مسترد کر دی گئی تھی۔مہاراشٹر کے کنکاولی کے رہنے والے سنتوش پرب نے ایم ایل اے رانے سے مبینہ طور پر وابستہ کچھ لوگوں کے ذریعہ اپنے ساتھ مارپیٹ کے بعد اس واقعہ کے تعلق سے پولیس میں شکایت کی تھی۔ پولیس کو دی گئی تحریر میں یہ واقعہ گزشتہ سال دسمبر میں سندھو درگ ڈسٹرکٹ کوآپریٹو بینک کے انتخابات کی مہم کے دوران بتایا گیا ہے۔