فلم دی کیرالہ اسٹوری یوپی میں ٹیکس فری

لکھنو:مئی۔فلم ’دی کیرالہ اسٹوری‘ یوپی میں ٹیکس فری ہوگی۔ وزیر اعلی یوگی آدتیہ ناتھ نے خود ٹویٹ کرکے اس کی جانکاری دی۔ وزیر اعلی یوگی 12 مئی کو پوری کابینہ کے ساتھ فلم دیکھیں گے۔یہ فلم نوجوان لڑکیوں کو بہکا کر مذہب تبدیل کرنے کی کہانی بیان کرتی ہے۔ فلم ڈائریکٹر سدیپٹو سین کی ہدایت کاری میں بنی’دی کیرالہ اسٹوری‘ شالنی، نیما اور گیتانجلی نامی لڑکیوں پر مبنی ہے، جو نرس بننے کا خواب لے کر گھر سے دور کالج آتی ہیں، جہاں ان کی ملاقات آصفہ سے ہوتی ہے۔آصفہ ایک بنیاد پرست ہے اور جیسے جیسے کہانی آگے بڑھتی ہے، پتہ چلتا ہے کہ وہ لڑکیوں کو آئی ایس آئی ایس میں بھیجنے کا کام کرتی ہے۔ فلم میں دکھایا گیا ہے کہ کس طرح آصفہ اپنے ساتھیوں کی مدد سے تین لڑکیوں کا برین واش کرتی ہے اور انہیں اپنا مذہب تبدیل کرنے پر اکساتی ہے۔وزیر اعظم نریندر مودی نے بھی ’دی کیرالہ کہانی‘ پر تبصرہ کیا۔ کانگریس پر نشانہ لگاتے ہوئے انہوں نے کہا،’کیرالہ کی کہانی صرف ایک ریاست میں دہشت گردانہ سازشوں پر مبنی ہے۔ ملک کی اتنی خوبصورت ریاست کیرالہ میں چل رہی دہشت گردانہ سازش کو اس فلم میں ظاہر کیا گیا ہے۔ کانگریس نے بھی اس سنیما کی مخالفت کی۔ یہی نہیں، کانگریس ایسے دہشت گرد رجحانات رکھنے والوں کے ساتھ پچھلے دروازے سے سیاسی سودے بازی بھی کر رہی ہے۔